Wp/pnb/مونو ریل
From Wikimedia Incubator
مونو ریل اک ریل ٹرانسپورٹ نظام اے جس چ گڈی اک پٹری یا بیم تے چلدی اے تے ایہہ پٹری یا بیم ای اسدا بھار سہاردا اے تے اسنوں رستے تے چلائی رکھدا اے ۔ جدوں کہ عام ریلوے چ گڈی دو پٹریاں تے چلدی اے ۔ ایہہ ناں دو لفظاں مونو یعنی واحد تے ریل نال مل کے بنیا اے یعنی اک پٹری والی ریل ۔ ایہہ نظام وی ریلوے دا اک حصہ سمجھیا جاندا اے ۔
پہلی مونو ریل روس چ 1820ء چ ایوان ایلمانوف نے بنائی سی ۔
اج کل دیاں ہائی سپیڈ ٹریناں یا مقناطیسی ریل گڈیاں یعنی ماگلیو وی اک طرح دی مونو ریل ای اے جس چ گڈی بیم توں تھوڑی جہی اتے چلدی اے نال نئیں لگدی ۔
اج کل وی جدید شہراں چ ٹریفک دے مسائل تے قابو پان لئی مونو ریلاں استعمال کیتیاں جاندیاں نیں کیونجے ایہہ اچے بیم تے چلدیاں نیں تے اینہاں دے تھلیئوں دی ٹریفک رواں دواں رہندی اے ۔ مختلف شہراں چ مختلف قسم دیاں مونو ریلاں چلدیاں نیں ۔
