Wp/pnb/معمار سنان پاشا
From Wikimedia Incubator
سنان پاشا یا معمار سنان پاشا دا مکمل ناں معمار سنان پاشا ابن عبدالمنان سی ،اوہ عثمانی سلطاناں سلیم اول ، سلیمان اول ،سلیم دوم تے مراد سوم دے دوراں دے اہم ماہر تعمیرات سن ۔ ادرنہ دی سلیمیہ مسجد تے استنبول دی سلیمانیہ مسجد اینہاں دے فن دا مونہہ بولدا ثبوت اے ۔
[edit] ابتدائی زندگی
سنان پاشا اناطولیہ دے اک عیسائی ٹبر چ 15 اپریل 1489ء چ پیدا ہوۓ ۔ اوہ 1511ء عثمانی فوج شامل ہوۓ تے استنبول آگۓ ،ایتھے آ کے اوہناں نے اسلام قبول کرلئیا تے سنان پاشا دا ناں پائیا ۔ تن سال بعد تعمیرات تے انجینئرنگ دا ماہر سنان پاشا مشرق چ سلطان سلیم اول دے پیش قدمی کرن والے دستیاں چ شامل سی تے قاہرہ تے قبضہ کرن والے دستے دا رکن سی ۔ اس فتح توں بعد سنان پاشا نوں اعلی ماہر تعمیرات مقرر کیتا گئیا ۔ سنان پاشا نوں پیادہ فوج دا کمانڈر مقرر کیتا گئیا پر اوہ ذاتی خواہش تے توپ خانہ ج شامل کردتے گۓ ۔ ایران دے خلاف جنگ دے دوران 1553ء اوہناں نیں جھیل وان عبور کرن واسطے جہاز بناۓ جس دی وجہ توں اوہناں نوں سلطان دے ذاتی محافظاں دا آغا مقرر کردتا ۔ سنان دا پہلا معروف تعمیراتی کم 1548ء چ تعمیر کردہ شہزادہ مسجد سی ،1556ء اوہناں نے سلیمانیہ مسجد تے کم شروع کیتا تے 1557ء چ ایہہ مکمل ہوئیا ۔ اوہنہں نے استنبول تے دوجے شہراں چ عمارتاں مسجداں تے پل تعمیر کیتے جنہاں چ ادرنہ دی سلیمیہ مسجد ،استنبول دی رستم پاشا مسجد ،ادرنہ دی محرمہ سلطان مسجد تے استنبول دی قادرگا صمقولو مسجد شامل نین ۔ اوہناں نے دمشق چ تقیہ السلیمانیہ خان مسجد وی تعمیر کیتی جہڑی اج وی شہر دیاں اھم ترین یادگاراں چوں اک اے ۔ اوہ بلغاریہ دے راجگھر صوفیہ دیواحد مسجد بنیا باشی مسجد دے وی معمار نیں ۔ اپنی سوانح حیات "تھکرات بنیان " دے مطابق اوہ ادرنہ دی جامع سلیمیہ نوں اپنے فن تعمیر دا بہترین نمونہ قرار دیندے نیں ، جدوں جامع سلیمیہ دی تعمیر جاری سی تے عیسائیاں نے ایہہ دعوی کیتا کہ دنیا کوئی معمار خصوصا مسلمان ایا صوفیہ دے گنبد توں وڈا گنبد تیار نئیں کرسکدا ۔ سنان پاشا نے اس دعوے نوں غلط کر دکھایا تے جامع سلیمیہ دا گنبد آیا صوفیہ توں وڈا بنایا ۔ جد جامع سلیمیہ مکمل ہوئی تے سنان پاشا دی عمر 80 سال سی ۔
[edit] کارنامے
سنان پاشا نے تھلے لکھیان ہوئیاں عمارتاں بنائیاں ۔
نمبر1 94جامع مسجداں نمبر2 57جامعات نمبر3 41حمام نمبر4 35محلات نمبر5 22مزارات نمبر6 20کاروان سراۓ نمبر7 17عوامی باورچی خانے نمبر8 8پل نمبر9 7مدرسے نمبر10 6نہراں نمبر11 3دارالشفاء
[edit] انتقال
سنان پاشا 1588ء چ انتقال کرگۓ ،اوہناں نوں جامع سلیمیہ دے کنداں دے نال دفن کیتا گئیا تے نال لکدی سڑک نوں اوہناں دے ناں نال موسوم کیتا گئیا ۔ ترکی دی حکومت اپنے اک نوٹ تے وی سنان پاشا دی مورت چھاپ دی اے ۔
