Wp/pnb/معاویہ

بنو امیہ دی ریاست

معاویہ بن ابو صفیان (602-680) پیفمبر اسلام محمد دے اک صحابی سن۔ بنو امیہ دے اوہ پہلے خلیفہ سن۔

[edit] پہلا جیون

مکہ دے فتح ہون ویلے معاویہ نے اسلام قبول کیتا۔ اوہ شام دے محاز تے اسلامی فوج وچ شامل ہو گۓ تے رومیاں نال لڑائیاں چ حصہ لیا۔

[edit] شام دے سردار

خلیفہ عمر نے اونہاں نوں 640 چ شام دا صوبیدار بنا دتا۔معاویھ نے ھولی ھولی اس علاقے چ اپنی گرفت نوں تکڑا کیتا تس لوکاں نوں اپنا وفادار بنالیا۔647 تک اس نے تگری فوج بنالی جیدے نال اس نے 649 چ قبرص تے 654 روڈس تے تے 655 تے بائضنتینی بحریہ نوں لائسیہ تے شکست دتی۔

[edit] عثمان دا قتل

تیسرے خلیفہ عثمان نوں کج لوکاں نے مدینہ چ شہید کر دتا۔ علی خلیفہ بنے عثمان توں بعد معاویہ نے مطالبہ کیتا کہ اونہاں لوکاں نوں پھڑیا جاۓ جنھاں نے عثمان نوں قتل کیتا پر علی نے اونہاں نوں نا پھڑیا۔

[edit] علی نال لڑائی

عثمان دے قتل تے فیر اودھے قاتلاں نوں نا پھڑن تے معاویہ دی علی نال لڑائی ہوئی۔ سغین آلی تھاں تے جیڑی بے نتیجہ رئی۔

[edit] معاویہ خلیفہ

علی دے قتل توں بعد علی دے پتر حسن خلیفہ بنے۔ اونہاں نوں علی نے خلیفہ بنایا سی پر اوہ اپنی فوج دی سرداری نہ کرسکے نالے معاویہ دا مقابلہ وی نا کرسکے جیدے نتیجے چ معاویہ خلیفہ بن گۓ اور اوہ اگلے وی سال تک خلیفہ بنے رۓ۔

[edit] روم نال لڑائیاں

امیر معاویہ دے ویلے دی بنی ہوئ قیروان چ مسیت

عقبہ بن نافع نوں معاویہ نے افریقہ پیجیا جینے 670 تک ٹیونس تک دا علاقہ فتح کر لیا۔ 670 وچ ٹیونس وچ قیروان شہر دی نیو رکھی۔

[edit] چڑدے پاسے

امیر معاویہ دیاں فوجاں مہلب بن ابی صفراہ دی سرداری چ 664 چ ملتان پنجاب تک آئیاں تے ایسے ویلے لیندے افغانستان دا علاقہ وی فتح ہویا۔

[edit] یزید نوں خلیفہ بنانا

اپنے مرن توں پہلاں معاویہ نے اپنے پتر یزيد نوں خلیفہ بنایا۔ کج لوک اس گل تے اینہاں تے تنقید وی کردے نے کہ معاویہ نے حکومت وچ وراثت دا شروع کیتا لیکن اے کم پہلاں علی نے کیتا سی جدوں اونہے اپنے پتر حسن نوں خلیفہ بنایا جد کے حسن چھ مہینیاں توں زیادہ چل نا سکیا تے یزید کامیابی نال خلیفہ ریا۔

[edit] موت

680 چمعاویہ مر گۓ پر مرن توں پہلاں اپنے پتر یزید نوں اپنی جگہ خلیفہ بنا گۓ۔

[edit] اثرات

معاویہ 20 سال تک مسلماناں دا خلیفہ ریا۔ اوہ اسلامی ریاست جیڑی علی دے دور چ افراتفری دا شکار سی اوتھے اس نے امن قائم کیتا تے اس ریاست نوں ودھایا۔ اونہے دارلحکومت دمشق بنایا۔ معاویہ دی شروع کیتی ہوئی ریاست اپنے عروج ویلے مسلماناں دی پوری تاریخ دی رقبے دے لحاظ نال سب توں وڈی ریاست سی جیڑی پاکستان توں لے کے فرانس تک پھیلی ہوئي سی۔