Wp/pnb/مدہانی
From Wikimedia Incubator
مدہانی دہی رڑکن لئی ورتیا جان والا برتن اے۔ اے چار پنج چیزاں تے مشتمل ہوندا اے۔ او برتن جیدے وچ لسی رڑکی جاندی اے اونوں چاٹی کیندے نيں تے او مٹی دی بنی ہوندی اے۔ چاٹی کڑونجی تے سیٹ کیتی گئی ہوندی اے۔ چاٹی دے منہ تے اک چپن ہوندا اے۔ جیدے وچ موری ہوندی اے۔ مدہانی لکڑ دا اک ڈنڈا ہوندا اے جدے چار پاسے چار نوکاں بنیاں ہوندیاں نیں۔ مدہانی چپن دی موری چوں ہوندی ہوئی چاٹی چ پئی ہوندی اے۔ مدہانی دے اتے اک رسی لپیٹی ہوندی اے جینوں لسی رڑکن آلی اپنے ہتھاں چ پھڑ لیندی اے۔ رسیاں نوں واری واری کچھن نال مدھانی چاٹی دے اندر کمدی اے تے دہی مکھن تے لسی دی شکل چ بدل جاندا اے۔ کڑونجی نال اک ڈنڈا وی بجیا ہودا اے تے مدہانی دا اپر آلا حصہ اس ڈنڈے نال مدہانی نوں سہارا دین دی خاطر بنیا ہوندا اے۔ لسی رڑکن آلی پیڑی تے بے کے لسی رڑکدی اے۔ صدیاں توں پنجاب دے ہر زمین دار کر چ مدہانی موجود رئی اے۔ اج کل بجلی دیاں مدہانیاں آگئیاں نیں۔
