Wp/pnb/لونا

From Wikimedia Incubator

لونا 1 پہلی خلائی گڈی[space craft] سی جہڑی چند دے نیڑے پہنچی اسنوں میچتا[روسی زبان چ مطلب خواب] دے ناں وی دتا گئیا < ایہہ سویت یونین دے خلائی پروگرام دی پہلی خلائی گڈی سی جہڑی کامیابی نال چند دے پاسے بھیجی گئی ۔ لونا دا مطلب روسی زبان چ چند اے ۔ لونا 1 دے ذریعے دریافت ہوئیا کہ چند دا اپنا کوئی مقناطیسی میدان نئیں تے پہلی وار شمسی ہوا[solar wind]دا سیدھا مشاہدا کیتا گئیا ۔ لونا 1 نال پہلی واری 5 لکھ کلومیٹر دور ریڈیو مواصلاتی رابطہ کیتا گئيا ۔ زمینی کنثرول سسٹم چ خرابی پیدا ہون دی وجہ نال راکٹ دے جلن دے وقت[burn time] گڑبڑ ہوگئی تے خلائی گڈی نے اپنا ہدف چھڈ دتا تے چند توں 5900 کلومیٹر دی دوری تے پرواز کیتی انج ایہہ انسان دی بنائی ہوئی پہلی شئے سی جہڑی ہیلئوسنٹرک مدار[heliocentric orbit]تک پہنچی تے اسنوں نواں سیارہ سمجھیا گئیا تے اسدا ناں بدل کے میچتا رکھدتا گئیا اسدا مدار زمین تے مریخ دے مدار دے درمیان واقع اے ۔ لونا 1 دا ذکر خلائی راکٹ دی تریخ چ پہلے زمین دی کشش توں نکلن والے خلائی راکٹ دے طور تے کیتا جاندا اے

لونا 1 خلائی گڈی چ سائنسی آلات تے سیارچے دی طاقت دا مرکز گول شکل دے کنٹینر چسی جسدا وزن 361 اعشاریہ3 کلوگرام سی اسدے اک پاسے 5 انٹینے لگے ہوئے سن ۔اس خلائی گڈی چ ریڈیو مواصلاتی آلات ،ٹریکنگ ٹرانسمیٹر، ٹیلی  میٹری، سائنسی آلات دے 5 مختلف سیٹ سیاریئاں دے درمیان خلاء دے مطالعہ واسطے تے ہور دوجے آلات نصب سن ۔

اس 3 منزلہ راکٹ دا کل وزن ایندھن نال 1472 کلوگرام سی ۔ منصوبے دے مطابق لونا 1 نے مشن مکمل کرن توں بعد چند نال ٹکرا کے پاش پاش ہونا سی تے دو دھاتی جھنڈیاں جناں تے سویت نشان بنے ہوئے سن چند تے پہنچونے سن ۔

[edit] پرواز

لونا 1 نوں 2 جنوری 1951 نوں بیکانور دے خلائی اڈے توں لونا8k72 دے زریعے 19:41 ماسکو دے وقت دے مطابق چھڈیا گئیا ۔ لونا 1 سب توں پہلی انسان دی بنائی ہوئی شئے سی جہڑی زمینی مدار چھڈن دی رفتار تے پہنچی جدوں ایہہ 1472 کلوگرام وزنی 3منزلہ توں علیحدہ ہوئی ۔ ایہہ راکٹ 5 اعشاریہ4 میٹر لمبا تے 2اعشاریہ4 میٹر محیط دی گولائی دا سی ۔

3 جنوری نوں 3:56 ماسکو وقت دے مطابق زمین توں 119500 کلومیٹر دور خلائی گڈی نے وچ رکھی ہوئی ا کلوگرام سوڈیم دے بدل چھڈے ، ایہہ ملٹی رنگ دی گیسی دم بحرالہند توں کسے چمکدار ستارف دی ماند کئی منٹ تک نظر آوندی رہی۔ انج ایہہ پہلا مصنوعی سیارچہ بننا ۔اسدے فوٹو کسلوودسک شہر چ پہاڑی تے قائم سویت سائنسی اکیڈمی دی رصدگاہ توں مستی سلاو گرینیویشیف نف کھچے ۔ لونا1 4جنوری نوں 34 گھنٹے دی پرواز توں بعد چند دی سطح توں 5995 کلومیٹر دی دوری توں لنگھیا تے زمین تے مریخ دے درمیان مدار چ سورج دے دوالے گھمن لگ پئیا ۔