Wp/pnb/فخری پاشا
From Wikimedia Incubator
فخری پاشا (1868-1948) عثمانی ترک فوج دا کمانڈر تے 1916 توں لے کہ 1919 تک مدینہ عرب وچ عثمانی خلافت دا گورنر سی۔ اودا پورا ناں فخر الدین پاشا سی تے اوہ 1868 رشک بلغاریہ وچ جمیا۔
اودے پیو دا ناں محمد ناہید بیگ تے ماں دا ناں فاطمہ عدیلہ خانم سی۔1888 چ استمبول دے لڑائی سکول توں پڑھائی دے مگروں فوج چ آ گیا۔ آرمینیا ول، لیبیا تے بلقان دیاں لڑائیاں چ لڑیا۔ ایس توں مگروں موصل تے فیر حلب چ ریا۔
مئی 1916 چ جمال پاشا نے فخری پاشا نوں مدینہ پیج دتا۔
[edit] گورنر مدینہ
فخری پاشا 1916 وچ مدینے دا گورنر سی۔ جون 1916 چ سید حسین بن علی شریف مکہ نے عثمانی خلافت دے خلاف مکہ چ بغاوت کر دتی تے مکہ تے قبضہ کر لیا۔ شریف مکہ دے پتراں نے 1916 چ مدینہ تے حملہ کیتا پر فخری پاشا نے اس حملے نوں ناکام کر دتا پر شریف مکہ دیاں فوجاں نے مدینہ دا کعیرا کر لیا۔ فخری پاشا نے مدینہ دا ٹھیک ٹھاک بچاؤ کیتا تے دمشق توں آن آلی ریلوے لائن نوں وی دشمناں توں محفوظ کیتا تے اگر اس نوں نقصان وی پہنچیا تے اس دی مرمت کر دتی گئی۔ مدینہ وچ فخری پاشا دا گھیراؤ پہلی جنگ عظيم دے انت تک ریا تے جدھوں ترکی نے ہتھیار سٹ دتے تے فخری پاشا نے ہتھیار سٹن توں انکار کر دتا اونہے تے اودھی ترک فوجیاں نے مسجد نبوی وچ جا کے پیغمبر اسلام دی قبر تے قسم کھادی کہ اوہ مدینہ تے مسجد نوبی نوں چھوڑ کے نئیں جان گے انگریزاں نے ترک سلطان تے دباؤ پایا کہ جنگ ختم ہو گئی اے پر فخری پاشا ہتھیار نئیں سٹ ریا۔ آخر کار پہلی جنگ دے ختم توں س70 دناں بعد 10 جنوری 1919 نوں فخری پاشا نے ترک سلطان دے سخت احکامات تے اپنے 456 افسراں تے 9364 فوجیاں نال مدینہ توں باہر بیر دریوش دی تھاں تے ہتھیار سٹ دتے۔
[edit] لڑائی توں بعد
فخری پاشا نوں قید کر کے مالٹا لے جایا گیا تے اس توں بعد اونہوں رہائی مل گئی تے فیر اس توں بعد اس نے ترکی دی ازادی دی جنگ چ حصہ لیا تے اس توں بعد فخری پاشا کابل افغانستان چ ترکی دے سفیر رۓ۔ 1948 چ استمبول وچ اوہ مر گۓ۔
