Wp/pnb/عدنان میندریس

From Wikimedia Incubator

عدنان میندریس [1899ء - 1961ء] ترکی دے سابق وزیر اعظم سن ، جہڑے 1950ء چ ڈیموکریٹک پارٹی دے برسراقتدار آن دے بعد دس سال وزارت عظمی دے منصب تے فائز رہے ۔ فوجی انقلاب دے بعد مقدمہ دا ساہمنا کیتا تے اینہاں نون پھانسی دی سزا دتی گئی ۔

[edit] ابتدائی زندگی

عدنان میندریس ترکی دی ولایت آیدن چ 1899ء چ پیدا ہوئے ، اینہاں دا تعلق 14ویں صدی عیسوی دے مشہور ترک طبیب حاجی علی پاشا دے خاندان نال سی ۔ عدنان بے نے ازمیر دے امریکی کالج چ تعلیم پائی تے فیر انکرہ یونیورسٹی چ قنون دی تعلیم حاصل کیتی ۔ 15 مئی 1919ء چ جد یونانی فوجاں ازمیر چ داخل ہوئیاں تے عدنان بے نے اینہاں دے خلاف جدوجہد چ بھرپور حصہ لئیا ۔ جلال بایار نال اینہاں دی پہلی ملاقات وی ایتھے ہوئی ۔

عدنان میندریس دا تعلق اک زراعت پیشہ خاندان نال سی ، ایسے لئی اینہاں نوں زراعت نال گہری دلچسپی سی ۔ اونہاں نے کمال اتا ترک تے عصمت انونو دے دور چ ولایت آیدن تے اسدے آلے دوالے دے علاقیاں نوں سیلاباں توں بچان تے زراعت دی ترقی لئی ناقابل فراموش خدمات شسرانجام دتیاں ۔

عدنان میندریس نے اعلانیہ تے کوتاہیہ دیاں کئی ولایتاں چ وی تعمیر تے ترقی دے کم کیتے ۔

[edit] سیاسی زندگی

ترکی دے جمہوریہ بنن دے بعد عدنان میندریس آیدن د ی لبرل پارٹی دی شاخ دے صدر بن گئے ، 1923ء چ مصطفی کمال اتا ترک نے اینہاں دی غیر معمولی ذہانت تے صلاحیتاں دا اندازہ کیتا تے اتا ترک دی ہدایت تے اوہ 1930ء چ آیدن توں مجلس کبیر ملی دے رکن منتخب ہوئے تے ہسدے بعد اوہ مسلسل مجلس دے رکن منتخب ہندے رہے ۔

جدوں ترکی چ خاندانی ناں اختیار کرن دا قنون بنیا تے عدنان نے اپنے لئی میندریس دا ناں اختیار کیتا ، جہڑا کہ مشرقی ترکی دا اکاہم دریا اے ۔

[edit] بطور وزیراعظم

مغربی بلاک نال وابستگی مذہبی پالیسی

آخری ایام

سزاۓ موت