Wp/pfl/Veldehof

From Wikimedia Incubator

Veldehof (uf daitsch: Veltenhof) is e Dorf in Niedersachse, seid 1931 in Schdadtdeil vun Braunschweig, mit uugfähr 3000 Oiwuuner. Ums Johr 1750 sin uff Veråålossung vum Herzog Carl I. zwëlf pälzer Familie in de Ord gezoore. Dord sollde se Woi un Duwak ååbaue. Des hot sisch awwer schwierischer gschdalded wie gedenkt. Weil di Bëëde dord såndisch sin, hawwe se dånn di Idee ghatt, Schbaagl ååzubaue. Do demit hawwe se schließlisch Erfolg ghatt.

Heit noch schwetzt ma in de Familie vun de Noochkumme pälzisch. Di Schdrooße vun are große Ordserweiderung in de sibzischer Johre hawwe Nåme vun selle Orde in da Kurpalz erhalde, aus denne di Siedler ware. Des Pattnerdorf vun Veldehof is Wieblinge (Heidelberg), wo s e Veldehofer Schdrooß („Veltenhofer Straße“) gibt.

Des Wabbe vun Veldehof zeigt in Kurpälzer Lëëw wo di Mïhlekärsch in de Händ träscht. E aus em Johr 1876 schdammende holländischi Mïhl is 1930 zu sellere Kärsch umgebaut worre. Bis heit is se noch Parrkärsch.

[edit] Webseide

Gschischt vun Veldehof uf da Seid vun da Intressegemoinschaft Veldehof