Wp/pfl/Ludwichshafe
From Wikimedia Incubator
Contents |
[edit] Ludwichshafe
Ludwichshafe (spettisch aach Lumbehaafe) is eeni vun de gräschde Schdädt in de Palz. Awwer sie is noch viel mehr: Sie iss nämlich de Außeposte vun de Palz zu de Badenzer. Uff de anner Seit vum Rhoi lischt Bade-Würtebersch und die Kurpalz. Vun de Pälzer werd die Schdadt in Olehnung an die Anilin a gern Lumpehafe geneent. Besonners in de Fasnacht kummt des dann immer widder.
[edit] Geografische Ohgawe
Geografisch isses ganz äfach zu lokalisiere, weil se am Rhoi liegt und wenn ma denn gfunne hot, dann find ma a Ludwichshafe. Im Atlas kann ma nochgucke, des is 49°29´nördlicher Längegrad unn 8°27´vum östliche Breidegrad. Im Durschschnitt lieg es ganze ebbes iwwer 96 Meter iwwerm Meeresschpiggel. Awwer es gibt hehere Ortsdeele wie die Gardeschdadt odder a niedrischere wie Oggerschem.
[edit] Ortsdeele
Ludwichshafe kammer in 10 Bezirke uffdeele, un die kammer dann widder deele:
- Oppa (mit Edischem un de Pingschdweed=
- Oggerschem (mit Melm)
- Friesenem (mit Froschlaach)
- Maudach
- Gardeschdadt (mit Hoch- un Niederfeld un de Reutersiedlung)
- Munnerem
- Roigennem
- Ruchem
- die Nördlisch Innestadt (mit de Ortsdeele West, Nord unn Hemshof)
- die Südlisch Innestadt (mit de Ortsdeele Süd, Mitte un Parkinsel)
[edit] Gschichde - E ganz jungi Schdadt
Dodebei is Ludwichshafe nettemol e aldi Schdadt, sonnern eischentlich ganz jung.. 2003 hot se ihrn 150. Geburtstaach gfeiert. Awwer des liegt net dro, dass do friher bloß Feld war, sonnern dodro, dass die meiste Schdadtdeele ehwe schun alt sinn, aber erst spät eigemeint worre sin. Die meischde Schdadtdeele sinn im Basisverzeischnis vumm Kloschter Lorsch (an der Bergstross) verzeechent un ewe a do zum erschte Mol erwähnt:
Oggerschem ist 769 gegrind worre, Munnerrem und Maudach dann 770, Friesenem un de Hemshof 771. Edischem gibts seit 772 und Oppa glei newedro seit 808.
Rhoigennem wird 831 im Goldene Buch vun de Abtei prüm in de Eifel ins Regischter uffgenumme, un Ruchem erst am Ofang vum 10 Jahrhunnert, weils de Abtei Weißeburg geheert hot.
Erscht 1853 is die Gemeend Ludwichshafe entstanne ungefähr do, wo jetzt de Stadtdeel Mitte iss. Schdadtrechte kriegt hots dann 1859.
[edit] Induschdrieschdadt
In Ludwichshafe gibts a kää Schloss oder so was ähnlisches, des iss mehr ä Induschdrischdadt. Seit iwwer hunnertfuffzisch Johr (seit 1856) gibts do die Anilin (in Hochdeutsch BASF), wo di Aniliner drin schaffe. Fast ganz Lumpehafe schafft do drin. Oder hot dort gschaft und werd mal mol drin schaffe.
Intrisant is, dass die Ainlin eischentlich gar net do hätt gebaut werre solle, sondern uff de anner Seit vum Rhoi. Deswege hässt se jo ach Badische Anilin unn Sodafabrik (BASF). Awwer die do driwwe woollten se net wege dem Dreck. Jetzt hänn se de Dreck, aber Ludwichshafe hot die Oinahme. Awwer s gibt a noch die Raschig unn de Äbbot un annere Firme do.
[edit] Beriehmte Leit
- De Helmut Kohl is in Ludwichshafe gebore und Ehrebürger. Bekannt worre isser als Bundeskanzler vun de Bundesrepublik Deitschland. In sei Regierungszeit is Deitschland widdervereinischd worre.
- De Ernst Bloch ist aach in Ludwichshafe gebore und Ehrebürger. Der is später Philosof geworre un hats Prinzip Hoffnung geschriwwe.
- Net in Ludwichshafe gebore, awwer beriemt geworre in de Stadt is die Hemshof-Friedel. Mit Straße- unn Wertschaftsmusik hat se's gscghafft, e echtes Original in de Stadt zu werre, die zwische Worschtmarkt unn Parkfescht jedes kennt.
- De Werner Ludwig hot's gschafft achezwanzisch Johr lang Owwerbirschermeeschder vun Ludwichshafe zu bleiwe.
De Kurt Biedenkopf is in Ludwichshafe gebore. Minischderpräsident isser awwer bei de Sachse geworre.
