Wp/pfl/Germersche

Es Wabbe vun Germersche: De goldene Geier auff emme blaue Grund

Germersche isch e Schdadt in de Palz om Rhoi, wu ugfähr 20.000 Leit wohnen.

[edit] Gschichde

Als die Reemer do waren, hen die ugfähr do, wu heit Germersche isch, e Kaschdell baue losse. Mer saacht, des hot Vicus Iulius ghääße.
1090 isch die Schdadt es erschde mol in de Sinsemer Chronik erwähnt worre.
De vun Habsburschs Rudolf hot Germersche 1276 Schdadtrechde gewwe.
1674 he die Fronzose die Schdadt gonz abgerisse, weil se sauer uff die Pälzer gewest sinn. Blouß drei Leit hen iwwerlebt. Die Schdadt isch awwer ball widder uffgebaut worre.
1793 bis 1814 hot die Schdadt de Fronzose ghert.
Ab 1834 isch e Feschdung um Germersche gebaut worre. Mer hot gemäänt, des wär gut gesche d' Fronzose; die sinn awwer net kumme. Als des Ding 1861 ferdisch worre war, war's schun derart veralt, dass es nix mehr gebroocht hot. Vun 1920 bis 1922 isch se donn wescherm Friedensvertrach vun Versailles abgerisse worre.
Ab 1936 war die Wehrmacht in Germersche. Im Kriesch war de Hans von Sponeck als Gfongener in Germersche un is do ach erschosse worre.
1972 war es zwädde briddische Rockfestival in Germersche. Do waren ugfäär 70.000 Gäschd in de Schdadt.