Wp/pfl/Flößer

From Wikimedia Incubator

In de Palz e langi Tradition hot de Beruf der Flößer.

Schun 1403 hot Kenisch Ruprescht de Stadt Neistadt e Privilesch zur Fleßerei uffm Schpeyerbach ausgstellt. De Kaal Friedrisch Willem, Ferschd vun Leinischinge-Hardenbursch, (1704-1807) hott die Gründung vun de Siedlunge Waldleinige un Franckeeck gfedert vor allem wesche de Fleßerei. 1790 kunnt ma in enere Beschraiwung lese "daß jenes Holz, so den Winter hindurch gehauen werde, den darauffolgenden Sommer an die Bach und den darauffolgenden Herbst nach Mannheim gebracht werden könne, wodurch die Güte des Holzes beibehalten und das Versporen verhindert werde."

Des Fleße war zunägschd schwierisch, awwer ab 1816 hodd de bairische Schtaad die Bäsch systemadisch ausbaue losse. Die sinn verbreidert worre, Ufer ausgemauerd, Klause und Stauwooge angeleschd. Die Brennholzfleßerei nennd ma Trift.

Zaischnisse vun dere Zaid sind ufgelossene Wooge wie de Franzosewooch bei Hochschpeyer odder die mit Sandsteequader ausgemauerde Bachbedde im Elmsteener Dal.

[edit] Quelle

Roland Paul: Von alten Berufen im Pfälzer Wald, in Michael Geiger, Günter Preuß, Karl-Heinz Rothenberger: Der Pfälzerwald. Porträt einer Landschaft, Seiten 241,242, Verlag Pfälzische Landeskunde, Landau in der Pfalz 1987, ISBN 3-9801147-1-6