Wp/pfl/Europa

From Wikimedia Incubator

Europa is e eurasischer Subkondinend, wo im abendländische Denke trotzdem als mo als Kondinend bezeichnet werd. Des is im Weschde kuldurell un hisdorisch verankert. Europa hat e Fläch vun 10,5 Mio. km² un is domit no Auschdralie de zwettklenscht Kondinend. Mit ugfähr 680 Mio. Leit, wo do leebe, hats aber mehr Inwohner wie Auschdralie, Nord- oder Südameriga. Europa grenzt im Side ans Middelmeer, im Weschde an de Atlandig, im Norde an die Arktis un die Grenz im Oschde is net ganz feschdgeleet, do gebbts als Diskussione, aber meischdens werre es Gebirch Ural mim gleichnamiche Fluss Ural, es Kaspische Meer un de Kaukasus als nadeerlich Grenz zu Asie genumm.

Europa besteht heit polidisch aus 46 souveräne Schdaade.

[edit] B(e)velkerung

Europa hot mit uhgfehr 680 Millione Oiwohner noch Asie unn Affrika die drittgrehschd B(e)velgerungszahl vun alle Kondinende unn ghert zu dichte Bsiedelte Teile vun de Erd. Die durchschnittlich B(e)velkerungsdicht is 65 Einwohner/km². Am högschde is se in West-, Mittel- unn Sideuropa, in Rischdung Norde unn Oschde werd se nihdrischer.

[edit] Sprooche

Mähner wie 90 Prozent vun de Oiwohner vun Europa spreschen indogermanische Sprooche. Om weideschde verbräät sinn slawische, germanische unn romanische Sprooche. Ach Grieschisch, Albanisch, die baldische unn keldische Sprooche unn Romani kehrn zu de indogermanische Sprooche.