Wp/pfl/Przewalskigaul
From Wikimedia Incubator
De Przewalskigaul (Equus ferus przewalski) is die äänsiche üwwerlewende Unnerart vum Wildpferd auser de Domeschdizierde Form (Equus ferus caballus). Zwischederch isses in freier Wildbahn ausgesterb, die heidiche Przewalskiviecher sin die Nochkumme vun in Zoos gehallene Przewalskigail. Wahrscheinlich sin se a schun frieer vun C.H.Smith beschrebb worr, un zwar mit de Nomenklatur Asinus equuleus, die Bezeichnung przewalski hot awwer immernoch Vorrang, weil mer nit noweise kann, dass der werklich de Przewalskigaul gemäänt hot.
Contents |
[edit] Merkmale
Die meischde heit lewende sin vum Fell her isabellgeel un hen e Mehlmaul, die frier heificher vorgekummne rotbraune un dunkelbraune ohne Mehlmaul sin jetz wee de Genpoolverengung stark serickgang, treden awwer immernoch uff. Normal hen die Przewalskigail en Aalstrich, das is e annerscht gefärbte Linie, die wo sich längs üwwer de Rigge zieht. Der Aalstrich is beim Przewalskigaul dunkel un unnerschiedlich brääd vun Individuum zu Individuum. Die Przewalskigail hen normal e dunkelbrauni bis schwatzi Stehmähn un a e gleich gefärbter Schwanz. Außerdem hen se neinzeh Bruschtwirbel. Das is eyner mehr wie beim domeschdizierde Gaul. Se unnerscheide sich a molekularbiologisch vun dere Unnerart, weil se selber sechssechzich Chromosome hen, im Geesatz zu seller domeschdizierde Unnerart, wo nur vieresechzich hot.
[edit] Verhalle
Allgemein isses Verhalle vun wilde Gail, speziell em Przewalskigaul, mit dem vum domeschdizierde Gaul vergleichbar, se lossen sich sogar zureide, sin awwer e bissje wilder, a, wann se domeschdiziert werren, un sin a ganz sche rabiatt, Stude bringen sogar manchmo annerer Stude Fohle um.
[edit] Sozialverhalle
Die Herde vun de Przewalskiviecher is ungefähr fümf bis zwansich Viecher groß un is entweder e reini Hengschtgrupp, odder e Familie, die en Leithengscht hot.
[edit] Fluchtverhalle
Wilde Przewalskigail sin immer scheu. Was vun Fangexpeditione üwwerliefert is, zeit, wie gerisse sich so Przewalskiviecher uff de Flucht benemmen. Es werd sogar verzählt, dass se Welle im Borrem nutze, um uff de Flucht Deckung un Sichtschutz se han, un wie de Leithengscht sei Familie mit Fußtritte antreibt. Dodebei bleibter immer zwische seiner Herd un de Verfolscher, un wann se nimmi fliehe kenne, dann kämpfder fer sei Herde.
[edit] Syschdematik
| Przewalskigaul | ||||||||||||||
|---|---|---|---|---|---|---|---|---|---|---|---|---|---|---|
| Syschdematik | ||||||||||||||
|
||||||||||||||
| Biologischi Nomenklatur | ||||||||||||||
| Equus ferus przewalskii | ||||||||||||||
| Poljakow, 1881 |
