Wp/pfl/Elwedritsch
From Wikimedia Incubator
Die Elwedritsch (aa Elwetritsch, Ilwedritsch, Elbedritsch, Plural Elwedritsche oder Elwetritschen, lat. bestia palatinensis) iss ä Fahwlwese wu faschd aussiehd wie n Voggl, dess in Süddeitschland, vor allm in de Palz, beheimaded iss.
Contents |
[edit] Verbreidung
De Verbreidungsraum fun de Erzählunge iwwer die Elwedritsch erschdreggd sich fumm Pälzerwald im Weschde noch Oschde iwwer die owwerrheinisch Tiefebene riwwer bis in de südhessische Odewald. Als "Haupdschdadd" funn de Elwedritsche gild Naischdadd an de Woischdroos, wo es ah än Elwedritschebrunne gibd, weller funn Gernot Rumpf gschaffe worre iss. Annere Quelle sahgn ah Dahn in de Südweschdpalz (Wu ess ah än Elwedritschebrunne gibd) odda Erfweiler odda noch gands annere Orde weahrn Haupdschdädd funnde Elwedritsche.
[edit] Aussehe
Elwedritsche werrn meischd als Huhnähnlich beschriwwe. Iahr Fliggl sinn nedd zu gebrauche, dessdewehge se meischdens im Gschdrüpp odda unner de Rebstöcke lehwn. De Legend noch sinn se ä Kreuzung funn Huhn, Ent und Gäns die sich midd im Wald lehwende Fahwlwese wie Kobolde unn Elfe vermischd heddn. Manchmohl werrn Elwedritsche ah middm Geweih unnem lannge Schnawwl dargschdelld.
[edit] Wu die Elwedritschlicher beikumme sinn
Jaahre zerick hot emol e Bauer ganz neegscht zum Busch g’wuhnt - hot Hinkel g’hatt un aa en latt Gens un Ente. Selli Gediere sinn frei rumgschprunge uff die Bauerei un henn aa abbadich gegliche, im Busch iwwer die Hecke un gleene Beem springe, wann sie am gucke waare fer ebbes zu fresse. Am Owet hot die Bauersfraa als laut gegrische, sie sette sich ab heem mache, eb’s duschper watt. Un die Hinkel, Gens un Ente henn sell g’heert un sinn dabber heem geloffe.
Alsemol, wann’s doch en wennich schpoot iss warre un die Nacht schunt neegscht waar, hot die Bauersfraa en Ladann, wu gebrennt hot, ins Fenschter vun die Scheier gschtellt, so ass die Gediere henn sehne kenne, wu sie anne laafe misse. Eemol awwer, wie die Hinkel, Ente un Gens widder im Wald rumgschprunge sinn, hot s Wedder gebroche, un en schwer Gewidder iss kumme. Sie sinn bang warre, sinn im Wald hie un her gerennt un henn sich am End ganz verlore. Wie der Rege gschtoppt hot, sinn sie eigschlofe.
Am neegschte Morje henn sie beguckt, was am aageh waar an dem Blatz, wu sie die Nacht gleche ghatt henn (seller Blatz heesst heit in die Palz „Nimmerkehrwieder“ - die Leit gleiche datt annegeh sunndaags). Sie henn nimmie gewisst, wu sie sinn un wu sie hielaafe sette. ‘S waar kenn Bauersfraa datt un aa kenn Ladann. Un wie sie so ghockt un sich gfaricht henn, henn sie vermarickt, ass ebber sie am begucke waar. Do waare etliche Gnome un Fee, Schwamm-Eile, Busch-Keiz un annre Gediere, wu sie eb sellem noch nie net gsehne ghatt henn.
Selli henn all uff emol aagfange pischpre, un die Hinkel, Ente un Gens henn aa gepischpert. Sellerweg henn sie sich naach eener Weil bekannt gemacht. Die Gediere henn die ganz Gschicht verzehlt, un weil kenns vun ihne der recht Weg heem gwisst hot, henn sie ausgmacht, sie deete all im Busch bleiwe bei ihre neie Freind. Die Fee un Gnome, Eile un Keiz henn die Hinkel, Ente un Gens en Eilaading gewwe fer wuhne bei ihne. Un wie’s so geht bei die Mensche wie bei die Leit, hot’s net lang genumme, bis aus die Oier, wu die Gediere glegt henn, gleene Gediere gschluppt sinn, wu halb geguckt henn wie en Hinkel, en Ent odder en Gans un halb wie en Gnome, en Fee, en Eil odder Busch-Kauz. Sell waare die erschte Elbedritschlicher.
Heitesdaags wisse sie nimmi, ass ihr Voreldre Jaahre zerick glebt henn uff en Bauerei, awwer wann sie’s Licht vun eener Ladann sehne, misse sie doch datt anne geh un kenne‘s net wehre. Sitter seller Zeit sinn sie deheem im Busch vun die Palz. Un wann der Harebscht do iss, gehne die Leit hiwwe wie driwwe mit en Sack un en Ladann in der Busch fer sie jaage.
[edit] Wie mer Elwedritschlicher jaagt
Die Jaager gehe zamme schpoot am Owet in der Busch mit Ladanne un en groosser Sack. Een Kall, wu verleicht noch nie net Elwedritschlicher hunte waar, iss weider zu nix zu gebrauche. Er muss juscht der Sack hewe un hot der schmärtscht Tschabb. Die annere Jaager gehe fatt mit die Ladanne un dreiwe die Elwedritschlicher zu der Sack. Der Kall mit der Sack muss seller juscht noch schnell zumache. Awwer etliche Mol passiert s, ass die Jaager sich uff em Weg verliere un nimmi zerick finne zu der Kall, wu der Sack hebt. Wann sie glicklich sinn, finne sie verleicht arijets en Wattshaus, un datt duhne sie ebbes geche ihr groosser Dascht. Un wann sie genunk gedrunke henn, vergesse sie der Kall mit der Sack, wu als noch im Busch schteht un uff die Elwedritschlicher am waarte iss.
