Wp/pfl/Eisebahn
From Wikimedia Incubator
Die Eisebahn is e Vekehrsmiddel wu uff Schiene fahrt un sowohl Leit als aach Sache beferdert.
Die Fahrzeusche wern dodebei mit Spurkränz uff de Schiene gehalte. Es gebt Triebwaache un Loggomodive. Triebwaache nemmt mer meischdens im Personevekehr als Ersatz fer lokbespannte Ziesch. Annere Wariande sinn Magnetschweewebahne un Schdandseilbahne.
Contents |
[edit] Bahnoolaache
Bahnoolaache sinn alles Sache, die ma brauch um e Eisebahn zu betreiwe.
[edit] Gleis un Unnerbau
Es Gleis, odder aach Owwerbau genannt, sinn die Schiene, wu die Eisebahn druff fahrt un die Schwelle. Die Schwelle halden die Schiene zamme un de Schieneabstand konschdand uff meischdens 1435 Millimeder. Bei de Schwelle gebts Holzschwelle, Schdahlschwelle und Beddongschwelle. De Unnerbau is des, wu es Gleis druff leit. Des is meischdens aus Schodder odder in monche Tunnel aach en Beddongbodde.
[edit] Bahnhöfe
In Bahnhöfe kennen Ziesch beginne, ende, kreuze, wende un iwwerhole. Außerdem hot en Bahnhof minneschends ä Weisch. Bahnhöf kennen sowohl Persone- als aach Giiterbahnhöf soi.
[edit] Fahrzeusche
Fahrzeusche sinn alles des was uff de Schiene fahrt.
[edit] Triebwache
En Triebwasche nemmt meischdens fer de Personetransport odder als billische Erssatz fer lokbespannte Wendeziesch. En Triebwache is e Fahrzeusch wu sowohl en Modor hot als aach Persone beferdern kann. E Beispiel dodefor wär zum Beischbiel de Schienebus.
[edit] Loggomodive
E Loggomodiv is e Fahrzeusch wu en Modor hot un Waggongs zieht. In de Loggomodiv is kään Personetransport, die Loggomodiv zieht Persone- oder Giiterwaggongs. Personewaggongs kennen aach vun de Lok geschobe werre, je nach dem ob se e Wendezuchsteierung hot.
[edit] Waggongs
En Waggong is e Fahrzeusch wu otriebslos is, also kän Modor hot, un vunre Loggomodiv gezoge werre muss. Es gebt Persone- und Giiterwaggongs.
[edit] annere Fahrzeusche
Es gebt aach noch besonnere Fahrzeusche wie en Zwowegebagger, der uff de Schiene un uff de Strooß fahre kann, un diwerse Awweidsmaschine, wie e Stopfmaschin.
[edit] Betrieb
Uff de Strooß kann jeder hiefahre wu er will ohne jemmand frooche zu misse. Bei de Eisebahn is de annerschd. Do muss mer sich erschdmol oomelde un saache vun wu noch wu mer fahre will. Do kriet mer dann e Zuchnummer un en Fahrplan.
[edit] Sicherung
Uff de Strooß gebts Ample, bei de Eisebahn gebts Signale. E Signal saacht em Lokfiehrer ob, un wenn ja wie schnell, er fahre derf. Es gebt 3 Signalstellunge:
- HP0: Stehe bleiwe un net weider fahre. - HP1: Weiterfahre - HP2: Langsam mit 40 Km/h weiterfahre
 Hp0 |
 Hp1 |
 Hp2 |
Da jo Eisebahne en längere Bremsweg hawwen wie Audos, gebts Vorsignale, die em Lokfiehrer saachen was es folgende Hauptsignal ozeigt, dasser ggf bei HP0 schun mo oofange kann zu bremse.
Des heeßt also, dass mer bei de Eisebahn uff Signalsicht fahrt, beim Audo wert uff Sicht g'fahre.
Die Signale wern entweder vun me Computer, der vun me Fahrdinschtleider iwwerwacht werd, im ESTW (Elegdronisches Schdellwerk), vun me Fahrdinschtleider odder vun me Weischewärder bedient.
