Wp/pfl/Deitschi Sprooch

From Wikimedia Incubator

Die deitsche Sprooch (kerz Deitsch) is e germanische Schbrooch. Sie geheert zum weschtliche Zweig vun de germanische Schbrooche. Die hochdeitsch Standardschbrooch (Standarddeitsch) is e Weltsprooch. Die werrd meeschdens in Noaddeitschlond g'red, wu sie defier ihr Plattdeutsch uffgäwwe häwwe. D' Leid saache, dass 's beschd Hochdeitsch in Hannover g'red werrd, wu sie sogar denke, dass des ihr'n Dialekt is. Des schdimmt awwer net, wall denne ihr'n Dialekt aa Plattdeutsch gwest is un se den eefach uffgäwwe häwwe. Immer meh (junge) Leid härrn uff, ihrn Dialekt zu redde und schdeische uffs Hochdeitsche um. Dodebei kummt no meeschdens a Mischung aus Umgongsschbrooch un Hochdeitsch raus.

Gschicht

'S Hochdeitsche is a Mischung aus verschiedene Owwer- oder Hochdeitsche Dialekte aus'm Mittelalter. "Hoch" haast, dass se im hohe Bereisch vun Deitschlond gredd werre, also Schwäbisch, Bayrisch, Pälzisch, Hessisch, Fränkisch,... . D' Gschischt vum Hochdeitsche werrd in vier Zeide eigedeilt: Aldhochdeitsch (750–1050), Middelhochdeitsch (1050–1350), Friehneihochdeitsch (1350–1650) un Neihochdeitsch (ab 1650).

D' Hochdeitsche Dialekt unnerscheide sisch vun de Niederdeitsche Dialekt (Plattdeutsch) dursch die Aldhochdeitsch Lautverschiewing.Template:Link AdQTemplate:Link AdQ