Wp/pfl/Carl Philipp Fohr

From Wikimedia Incubator

< Wp | pfl
Jump to: navigation, search
Da Carl Philipp Fohr, gezeischent vum Carl Barth
Lindefels im Odewald, 1812
Da digge Turm im Heidlberjer Schloß, 1813/1814
Romåndische Låndschaft in Italie, Detail, Ehl, 1818

Da Carl Philipp Fohr (aa Karl Philipp Fohr, * 26. Nofember 1795 in Heidlberg, † 29. Juni 1818 in Rom) waa in Låndschaftsmoler vun da deitsche Romåndik.

[edit] Lewe

Da Darmschdädter Moler Georg Wilhelm Issel hot de fuchzähjährische Carl Philipp Fohr beowacht, wie er beim Schdift Neiburg in Zigglhause gezeischent hot un hot dodebei dem soi Begawung endeckt. Also hot er fär soi erschde Ausbildung gsorgt. Schbeder hot da Fohr an da Minschner Agademie Molerei schdudiert. Dort hot er sisch mit em Sigismund Ruhl åågfreindet. Beide hawwe sisch fär deitsche middelalderlische Saache intressiert un do drin Motive zum Mole gfunne.

1816 hot sisch da Fohr mit seum Hund Grimsel per Pedes uf de Weg noch Rom gemacht. Dort hot er sisch de Nazarener åågschlosse, Verdreder vun are romåndisch-relischiese Kunschdrischdung. Mid em Joseph Anton Koch, dem soi Arweide ihn beeuflußt hawwe, hot er sisch e Adeliee gedeelt.

1818 is er beum Bade im Tiber erdrunge.

Soin jingerer Bruder, da Daniel Fohr (1801 - 1862) waa aa in Låndschaftsmoler.

[edit] Webseide

Carl Philipp Fohr bei: Thomas Juelch: Heidelberg und die Kurpfalz

Retrieved from "http://incubator.wikimedia.org/wiki/Wp/pfl/Carl_Philipp_Fohr"
In other languages