Wp/pdt/Pet

From Wikimedia Incubator
< Wp‎ | pdt
Wp > pdt > Pet

Een Pet (uck: Peat) es een Eenhoofa (Equidae). Dee Ped bilde eene Sutiafemilje ute Ordninj vonne Nichpoahoofa (Perissodactyla). Equus es mank dise daut eenzje noch lewendje Jeschlajcht. To dee Pet-Femilje jehere dee Tere, woone aus Ped, Esel ooda Zeebra betetjent woare. Bett vondoag doone dee Jelehde sich ewa daut Aufjrenze striede. Aules toop jefft daut sewen Oate, von woone dee meschte en Jefoa stone, daut se utstoawe. Daut Huspet en dee Husesel, dee jetoomde Forme vom Wiltpet, send wichtje Laust- en Riedtere en oppe gaunze Welt seea vebreedt.