Wp/pdt/Enjlisch

From Wikimedia Incubator
< Wp‎ | pdt
Wp > pdt > Enjlisch

Dee enjlische Sproak (enjl. «English») es eene germanische Sproak. Soo aus Dietsch (Hochdietsch) en Hollendsch jehet see to dem wastlichen Aust vonne germanische Sproake.

Enjlisch es vondoag dee aum wiedsten verbreedte Sproak oppe Welt -- woobie daut Hoch-Chineesisch dee Sproak es, woone oppe Welt aum meschten aus Muttasproak jeredt woat. Dee enjlische Sproak woat en seea vele Lenda aus eschte Framdsproak enne Schoole jeleht en es dee offizielle Sproak bie dee meschte internatioonale Organisatioone. Vele von dise Organisatioone habe paraleel noch aundre offizielle Sproake. Enjlisch talt aus Weltsproak.

Vondoag woat Enjlisch weltwiet von onjefea 340 Milljoone Mensche aus Muttasproak jeredt. Wan maun to dise anglofoone Grupp noch dee Lied tooreatjent, woone Enjlisch aus tweede Sproak rede, haft maun 510 Milljoone Mensche.