Wp/ota/ مصطفى صبرى افندى شيخ الاسلام
From Wikimedia Incubator
شيخ الاسلام مصطفى صبرى افندى 1869-1954
1286 هـ/1869م ده توقادده دوغدى .
باباسى احمد افندي در. ايلك تحصيلنى مملكتنده يابدى. كوجوك ياشده حافظ اولدى . قيصرى مدرسه سنده ديوريكلى حاجى امين افندي دن و استانبولده حضور درسلرى مقررى احمد عاصم افندي دن اوقودى و اجازنتامه سنى آلدى . خواجه سى عاصم افندى نك قيزيله اولندى .
1890 ييلنده رؤوس امتحاننى قازانه رق 22 ياشنده مدرس اولدى . فاتح جامعنده درس اوقوتدى . 50 دن فضله طلبه يه درس ويردى . بشكطاش آثاريه جامعى اماملغنده بولوندى . 4. رتبه دن عثمانى ومجيدى نشانلرى ايله مافاتلنديريلدى .
1898 دن باشلمق اوزره 1914 سنه سنه قدر حضور درسلرينه مخاطب اولارق قاتيلدى .1900-1904 ييللرى آراسنده سلطان عبد الحميد ثانى حضرتلرينك حافظ كتابى اولدى .
ايكنجى مشروطيتك اعلانندن صوكره توقاد مبعوثى اولارق مجلسه كيردى (1908) . بو آراده فاتح جامعى مدرسلكينه دوام ايديوردى . جمعيت علميۀ اسلاميه نك نشر واسطه سى اولان بيان الحق مجموعه سنك باش يازارلغنى يابدى .
باشلانغجده اتحاد وترقى تشكيلاتنى دستكلدى . آنجق قيصه زمانده ايچ يوزلرنى كورنجه مخالفته كجدى و حريت وايتلاف فرقه سينك قوروجيلرى آراسنده ير آلدى . باب عالى باصقينى اوزرينه (1913) مصر و رومانيايه قاجدى . برنجى جهان حربى صيره سنده يورده دوندى . 1919 ده داماد فريد باشا حكومتنده شيخ الاسلام اولدى ، داماد فريد باشانك سيور معاهده سى ايجون باريس ده بولنديغى اثناده صدر اعظم وكيللكى ايتدى .
1922 ده يورد طيشينه چقدى . يكى رجيم مخالفى 150 لكلر ليسته سنده اوغلى ابراهيم صبرى ايله ير آلدى ويونانستان ده (يارين ) -70 صايى- (بيام صباح) -5 صايى- غزته سنى جيقاردى و انقره حكومتينه سرت تنقيدلر توجيه ايتدى . داها صوكره مصره كچدى واوراده علمى نشرياتنه دوام ايلدى . 1954 سنه سنده قاهره ده وفات ايتدى .
يازيلرى آيريجه ( معلومات ، يكى غزته ، تاسيسات ، علمدار ، اقدام ) كيبى غزته لرده نشر ايديلمشدر .
اثرلرى: 1 – يكى اسلام مجتهدلرينك قيمت علميه سى : موسى جار الله بيكييف ‘ك رحمت الهيه برهانلرى آدلى كتابنى تنقيد ، 1919 . 2 - دينى مجددلر – ياخود – تركيا ايچين نجات و اعتلا يوللرينده ب رهبر : هاشم ناهد‘ك اثرينه جواب ، 1922. 3 – مسألة ترجمة القرآن : عربجه اولوب قرآن كريمك ترجمه سى مساله سنى اله آلير . قاهره ، 1932 . 4 – موقف البشر تحت سلطان القدر : قدر وقضا حققنده در ، عربجه در . قاهره ، 1933 . 5 – موقف العقل والعلم وعباد الله المرسلين عن رب العالمين : مؤلف بو كتابى كله جك نسللر ايجين يازديغنى ، اسلام دولتى نك ناصيل ييقلديغنى و بو خصوصده كى انتريقه لرى ، تركياده دونن دولابلرى آكلاتمش ، الهيات ، نبوت ، قدر وداها بشقه موضولره ير ويرمشدر . عربجه در ، 4 جلد ، قاهره ، 1950 . 6 – القولُ الفصلُ بين الذين يؤمنون بالغيب والذين لا يؤمنون : آخرته ايمانى اولانلر ايله اولمايانلرى قياس ايدر . عربجه ، قاهره . 7 – قولى في المرأة : قادينلر حقنده در . عربجه ، قاهره . 8 – النكير على منكرى النعمة من الدين والخلافة والأمة : دين ، خلافت و أمت اولمه نعمتلرينه نانكورلك ايدنلره جواب . عربجه ، بيروت . 9 – مساله لر حقنده جوابلر : بيان حق‘ده چيقان بعضى يازيلرى و صوم رمضان رساله سى ایله برلكده . 1976 ، طاره مه ،استانبول . - آيريجه ( اسلامده امامت كبرى ، دين ومليت ، تورك‘ك باشينه كلن شابقه مساله سى ) اسملى رساله لرى يارين-بيام اسلام غزته سنده تفرقه ايلمشدر ، كتابلاشمامشدر.
