Wp/ota/آتاترکڭ كنچلكه خطابه سى
From Wikimedia Incubator
اى تورك كنچلكى!
برنجى وظيفك ، تورك استقلالنى تورك جمحوريتنى ، الى الابد محافظه و مدافعه ايتمكدر . موجوديتكك و استقبالكك يكانه تملى بودر . بو تمل ، سنك اك قيمتلى خزينككدر . استقبالده دخى سنى بو خزينه دن محروم ايتمك ايستيجك داخلى و خارجى بدخواهلرك اوله جقدر . بر كون ، استقلال و جومحوريتنى مدافعه مجبوريتنه دوشرسك ، وظيفيه آتيلماق ايچون ، ايچنده بولنه جغك وضعيتن امكان و شرا ءطنى دوشونميه جكسك ! بو امنان و شرا ءط ، چوق نامساعد بر ماهيتده تظا هر ايده بيلير. استقلال و جومحوريتكه قصد اده جك دشمنلر، بوتون دنياده امثالى كورولمه مش بر غالبيتك ممثلى اوله بيليرلر.جبراً و حيله ايله عزيز وطنك بوتون قلعه لرى ضبط ايدلمش ، بوتون ترسانه لرينه كيرلمش ، بوتون اوردولرى داغيتلمش و مملكتك هر كوشه سى بالفعل ايشغال ايدلمش اوله بيلير . بوتون بو شرا ءطدن دها اليم و دها وخيم اولمق اوزره ، مملكتك داخلنده ، اقتداره صاحب اولانلر غفلت و ضلالت و حتىّ حيانت ايچنده بولنه بيليرلر . حتىّ بو اقتدار صاحبلرى ، شخصى منفعتلرينى ، مستوليلرك سياسى امللريله توخيد ايده بيليرلر. ملّت ، فقرو ضرورت ايچنده خراب و بيتاب دوشمش اوله بيلير . اى تورك استقبالنك اولادى ! اشته ، بو احوال و شرا ءط ايچنده دخى وظيفك ، تورك استقلال و جومحوريتنى قورتارمقدر ! محتاج اولديغك قدرت ، دامارلركده كى اصيل قانده موجوددر !
