Wp/mnc/Han i araha alin i tokso halhūn be jailaha irgebun

[edit] Halhūn akū bolgo serguwen

Hanlhūn de sengguweme inenggi golmin ojoro jalin doigonde jobošombi

se bahame ekisaka de amuran ofi ele tathūnjame narašambi

ilan fu de halhūn be bederebure bolgo edun isinjimbi

uyun juwari de serguwen be okdoro saikan orho banjimbi

daci dubede isitala kicebe faššaha babe gūnin de hairame

erin de tusangga arga be beye de fonjime gūninjame yabumbi

untuhun i ferguwecuke be tuwakiyarakū kemuni dasan be wesihulembi

taka mujilen be sartabume alin mukei tokso de ujiki