Wp/mnc/ᠮᠠᠨᠵᡠ

From Wikimedia Incubator
< Wp‎ | mnc
Wp > mnc > ᠮᠠᠨᠵᡠ
ᠯᠠᡨᡳᠨᠣ ᡥᡝᡵᡤᡝᠨ ᡳ ᡠᠪᠠᠯᡳᠶᠠᠮᠪᡠᡥᠠ ᡶᡳᠶᡝᠯᡝᠨ ᠪᡝ᠈ ᡠᠪᠠᡩᡝ ᡨᡠᠸᠠᡴᡳ᠉

ᠮᠠᠠᠵᡠ ᠣᠴᡳ ᡩᡠᠯᡳᠮᠪᠠᡳ ᡤᡠᡵᡠᠨ  ᡳ ᡝᠮᡠ ᡳᡵᡤᡝᡨᡝᠨ᠉

ᠰᡠᡩᡠᡵᡳ

᠀ ᠮᠠᠨᠵᡠᠰᠠ ᠴᡝᠨᡳ ᠮᠠᡶᠠᡵᡳ ᡤᠣᠯᠮᡳᠨ ᡧᠠᠩᡤᡳᠶᠠᠨ ᠠᠯᡳᠨ ᠴᡳ ᠵᡳᡥᡝᠩᡤᡝ ᠪᡝ ᠠᡴᡩᠠᠮᡝ ᡴᡝᠨᡝᡥᡠᠨᠵᡝᡵᠠᡴᡡ᠈ ᡠᡨᡨᡠ ᠣᡶᡳ᠈ ᡧᠠᠩᡤᡳᠶᠠᠨ ᠠᠯᡳᠨ ᠪᡝ ᡝᠨᡩᡠᡵᡳᠩᡤᡝ ᠠᠯᡳᠨ ᠣᠪᡠᠮᠪᡳ᠉

ᠠᡳ᠌ᠰᡳᠨ ᡤᡠᡵᡠᠨ

᠀ ᠮᠠᠨᠵᡠ ‍ᡳ ᠨᡝᠨᡝᡥᡝ ᠨᡳᠶᠠᠯᠮᠠ ᠵᡠᡧᡝᠨ ᠨᡳᠶᠠᠯᠮᠠ ᠠᡳ᠌ᠰᡳᠨ ᡤᡠᡵᡠᠨ ᠪᡝ ᡶᡠᡴᠵᡳᠨ ᠨᡝᡳ᠌ᡥᡝ ᠪᡳᡥᡝ᠉
᠀ ᠮᡳᠩᡤᠠᠨ ᠵᡠᠸᡝ ᡨᠠᠩᡤᡡ ᡤᡡᠰᡳᠨ ᡩᡠᡳ᠌ᠴᡳ ᠠᠨᡳᠶᠠ ᡩᡝ᠈ ᠠᡳ᠌ᠰᡳᠨ ᡤᡠᡵᡠᠨ ᡤᡠᡴᡠᠪᡠᡥᡝᠪᡳ᠉

ᡩᠠᡳ᠌ᠮᡳᠩ ᡤᡠᡵᡠᠨ

᠀ ᠮᡳᠩᡤᠠᠨ ᠨᡳᠩᡤᡠᠨ ᡨᠠᠩᡤᡡ ᡨᠣᡶᠣᡥᠣᠴᡳ ᠠᠨᡳᠶᠠ ᡩᡝ᠈ 『ᠰᡠᡵᡝ ᠪᡝᡳ᠌ᠯᡝ』『ᡴᡠᠨᡩᡠᠯᡝᠨ ᡥᠠᠨ』ᠨᡠᡵᡤᠠᠴᡳ ᠵᠠᡴᡡᠨ ᡤᡡᠰᠠ ᠪᡝ ᠪᠠᠨᠵᡳᠪᡠᡥᠠ᠉

ᠠᠮᠠᡤᠠ ᠠᡳ᠌ᠰᡳᠨ ᡤᡠᡵᡠᠨ
(ᠮᠠᠨᠵᡠ ᡤᡠᡵᡠᠨ)

᠀ ᠮᡳᠩᡤᠠᠨ ᠨᡳᠩᡤᡠᠨ ᡨᠠᠩᡤᡡ ᠵᡠᠸᠠᠨ ᠨᡳᠩᡤᡠᠴᡳ ᠠᠨᡳᠶᠠ᠈ ᠨᡠᡵᡤᠠᠴᡳ ᡥᡝᡨᡠ ᠠᠯᠠ ᡩᡝ ᡶᡠᡴᠵᡳᠨ ᡤᡠᡵᡠᠨ ᠪᡝ ᠨᡝᡳ᠌ᡶᡳ᠈ 『ᠠᡳ᠌ᠰᡳᠨ ᡤᡠᡵᡠᠨ』ᡤᡝᠪᡠᠯᡝᡶᡳ (『ᠮᠠᠨᠵᡠ ᡤᡠᡵᡠᠨ』ᡥᡡᠯᠠᡵᠠᠩᡤᡝ ᡳᠨᡠ ᠪᡳ)᠈ ᠨᡠᡵᡤᠠᠴᡳ ᠪᡝ ᠠᠮᠪᠠᠰᠠ『ᠠᠮᠪᠠ ᡤᡝᠩᡤᡳᠶᡝᠨ ᡥᠠᠨ』ᠰᡝᠮᡝ ᡤᡳᠩᡤᡠᠯᡝᠮᡝ ᡥᡡᠯᠠᡥᠠᠩᡤᡝ᠉
ᡨᡝᡵᡝᠴᡳ ᡩᠠᡳ᠌ᠮᡳᠩ ᡤᡠᡵᡠᠨ ᡨᡝᠮᡧᡝᠨᡩᡠᠮᠪᡳ᠉
᠀ ᠮᡳᠩᡤᠠᠨ ᠨᡳᠩᡤᡠᠨ ᡨᠠᠩᡤᡡ ᡤᡡᠰᡳᠨ ᠰᡠᠨᠵᠠᠴᡳ ᠠᠨᡳᠶᠠ᠈ ᡥᠠᠨ ᡥᠣᠩ ᡨᠠᡳ᠌ᠵᡳ ᡤᡝᡵᡝᠨ ᡤᡠᡵᡠᠨ ᠠᡳ᠌ᠮᠠᠨ ᠪᡝ 「ᠮᠠᠠᠵᡠ」ᠣᠪᡠᡥᠠ᠉
ᡨᡝᡵᡝᠴᡳ「ᠮᠠᠠᠵᡠ」 ᡤᡝᠪᡠ ᠪᡝ ᡨᡝᠨᡳ ᡨᠣᡴᡨᠣᠪᡠᡥᠠ᠉ 

ᡩᠠᡳ᠌ᠴᡳᠩ ᡤᡠᡵᡠᠨ

ᠮᡳᠩᡤᠠᠨ ᠨᡳᠩᡤᡠᠨ ᡨᠠᠩᡤᡡ ᡤᡡᠰᡳᠨ ᠨᡳᠩᡤᡠᠴᡳ ᠠᠨᡳᠶᠠ᠈ ᡥᠠᠨ ᡥᠣᠩ ᡨᠠᡳ᠌ᠵᡳ ᡤᡠᡵᡠᠨ ‍ᡳ ᡤᡝᠪᡠ ᠪᡝ 『ᡩᠠᡳ᠌ᠴᡳᠩ』ᡥᠠᠯᠠᠮᡝ ᠠᡵᠠᠮᡝ᠈ ᠮᡠᡴᡩᡝᠨ ᡩᡝ ᡤᡠᡵᡠᠨ ‍ᡳ ᡤᡝᠮᡠᠨ ᡨᠣᡴᡨᠣᠪᡠᡥᠠ᠉
ᠮᡳᠩᡤᠠᠨ ᠨᡳᠩᡤᡠᠨ ᡨᠠᠩᡤᡡ ᡩᡝᡥᡳ ᡩᡠᡳ᠌ᠴᡳ ᠠᠨᡳᠶᠠ᠈ ᡧᡳᡯᡠ ᡥᡡᠸᠠᠩᡩᡳ ᡶᡠᠯᡳᠨ ᡩᠣᡵᡤᠣᠨ ᠵᠠᡴᡡᠨ ᡤᡡᠰᠠ ᠪᡝ ᡤᠠᡳ᠌ᡶᡳ᠈ ᡧᠠᠨᠠᡥᠠ ᡶᡠᡵᡩᠠᠨ ᠪᡝ ᡩᠣᠰᡳᡶᡳ᠈ ᠪᡝᡤᡳᠩ ᡥᡝᠴᡝᠨ ᡩᡝ ᡩᠣᡵᠣ ᠪᡝ ᡨᠣᡴᡨᠣᠪᡠᡥᠠ᠉

ᡤᡳᠰᡠᠨ ᡥᡝᡵᡤᡝᠨ

ᡩᠠᠴᡳ ᠮᠠᠨᠵᡠᠰᠠ ᠮᠠᠨᠵᡠ ᡤᡳᠰᡠᠨ ᡤᡳᠰᡠᡵᡝᠮᠪᡳᡥᡝ᠈ ᠨᡝ ᠮᠠᠨᠵᡠᡵᠠᠮᡝ ᠪᠠᡥᠠᠨᠠᡵᠠᠩᡤᡝ ᡴᠣᠮᠰᠣ ᠣᡥᠣᠪᡳ᠈ ᡝᠯᡝᡳ ᠮᠠᠨᠵᡠᠰᠠ ᡤᡝᠮᡠ ᠨᡳᡴᠠᠨ ᡤᡳᠰᡠᠨ ᡤᡳᠰᡠᡵᡝᠮᠪᡳ᠉ ᡠᡨᡨᡠ ᠣᠴᡳᠪᡝ᠈ ᠮᠠᠨᠵᡠ ᡤᡳᠰᡠᠨ ᡨᠠᠴᡳᠮᡝ ᠪᡳᠰᡳᡵᡝᠩᡤᡝ ᡝᠯᡝ ᠯᠠᠪᡩᡠ ᠪᡳ᠉

ᠮᠠᠨᠵᡠ ᡤᡳᠰᡠᠨ

ᡥᡝᡵᡤᡝᠨ

ᠮᡳᠩᡤᠠᠨ ᠰᡠᠨᠵᠠ ᡨᠠᠩᡤᡡ ᡠᠶᡠᠨᠵᡠ ᡠᠶᡠᠴᡳ ᠠᠨᡳᠶᠠ᠈ ᡝᡵᡩᡝᠨᡳ ᠪᠠᡴᠰᡳ ᠵᠠᡳ ᡬᠠᡬᠠᡳ 『ᡨᠣᠩᡴᡳ ᡶᡠᡴᠠ ᠠᡴᡡ ᡥᡝᡵᡤᡝᠨ』ᠪᡝ ᠪᠠᠨᠵᡳᠪᡠᡥᠠ᠉
ᠮᡳᠩᡤᠠᠨ ᠨᡳᠩᡤᡠᠨ ᡨᠠᠩᡤᡡ ᡤᡡᠰᡳᠨ ᠵᡠᠸᡝᠴᡳ ᠠᠨᡳᠶᠠ᠈ ᡩᠠᡥᠠᡳ ᠪᠠᡴᠰᡳ ᡨᠣᠩᡴᡳ ᡶᡠᡴᠠ ᠰᡳᠨᡩᠠᡶᡳ᠈『ᡨᠣᠩᡴᡳ ᡶᡠᡴᠠ ᠰᡳᠨᡩᠠᡥᠠ ᡥᡝᡵᡤᡝᠨ』ᠣᠪᡠᡥᠠ᠉

ᠠᠩᡤᠠᠯᠠ

ᠮᠠᠨᠵᡠ ᡩᡠᠯᡳᠮᠪᠠ ‍ᡳ ᠠᠩᡤᠠᠯᠠ ᡩᡠᡳ᠌ᠴᡳ ᠯᠠᠪᡩᡠ ᡳᡵᡤᡝᡨᡝᠨ (ᠨᡳᡴᠠᠨ ᠵᡠᠸᠠᠩ ᡥᡠᡳ ᠪᡝ ᡩᠠᡥᠠᠮᠪᡳ)᠈ ᡩᡠᠯᡳᠮᠪᠠᡳ ᠠᡳ᠌ᡨᡝᠨ ᡤᠣᠯᠣ ᡨᠠᠩᡴᠠᠨ ᡥᠣᡨᠣᠨ ᠵᠠᡳ ᠪᠠ ᡩᡝ ᠶᠣᡠᠨᡳ ᡨᡝᡥᡝᠩᡤᡝ ᠪᡳᠮᡝ᠈ ᠯᡳᠶᠣᡠᠨᡳᠩ ᡤᠣᠯᠣ ᡩᡝ ᡨᡝᡥᡝᠩᡤᡝ ᡠᠵᡠᡳ ᠯᠠᠪᡩᡠ᠉
2010᠊ᠴᡳ ᠠᠨᡳᠶᠠ ᡩᡝ ᡳᠰᡳᡨᠠᠯᠠ᠈ ᡩᡠᠯᡳᠮᠪᠠᡳ ᡳᡵᡤᡝᡨᡝᡳ ᠰᡳᡩᡝᡧᡝᠩᡤᡝ ᡤᡠᡵᡠᠨ ᡩᡝ ᡨᡝᡥᡝᠩᡤᡝ ᠮᠠᠨᠵᡠ ᠠᠩᡤᠠᠯᠠ 10.387958ᡨᠠᠩᡤᡡ ᡨᡠᠮᡝᠨ ᠪᡳ[1]

ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ

ᡨᡝ ᡩᡠᠯᡳᠮᠪᠠ ᡩᡝ ᠵᡠᠸᠠᠨ ᡝᠮᡠ ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᠪᡳ᠉
ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ
ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᡤᠣᠯᠣ ᡥᠣᡨᠣᠨ
ᠨᡳᡠ᠋ᡥᠣᠨ ᠮᡠᡩᡠ᠋ᡵᡳ ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᡥᡝ ᠪᡝᡳ ᠴᡳᠨ᠋ ᡥᡡᠸᠠᠩ ᡩᠣᡠ᠋
ᡶᡝᠩ ᠨᡳᠩ ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᡥᡝ ᠪᡝᡳ ᠴᡝᠩ ᡩᡝ
ᠮᡠᡵᠠᠨ ᠮᠠᠨᠵᡠ ᠮᠣᠩᡤᠣ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᡥᡝ ᠪᡝᡳ ᠴᡝᠩ ᡩᡝ
ᡴᡠᠸᠠᠨ᠋ ᠴᡝᠩ ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᡥᡝ ᠪᡝᡳ ᠴᡝᠩ ᡩᡝ
ᠰᡝᡥᡝᡥᡠᠨ ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᠯᡳᠶᠣᡠ᠋ ᠨᡳᠩ ᠠᠨ᠋ ᡧᠠᠨ᠋
ᠴᡳᠩ ᠶᡠᠸᠠᠨ᠋ ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᠯᡳᠶᠣᡠ᠋ ᠨᡳᠩ ᡶᡠᠰᡳ
ᠰᡳᠨ᠋ ᠪᡳᠨ᠋ ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᠯᡳᠶᠣᡠ᠋ ᠨᡳᠩ ᡶᡠᠰᡳ
ᡴᡠᠸᠠᠨ᠋ ᡩᡳᠶᠠᠨ᠋ ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᠯᡳᠶᠣᡠ᠋ ᠨᡳᠩ ᡩᠠᠨ᠋ ᡩᡠᠩ
ᠪᡝᠨ᠋ ᠰᡳ ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᠯᡳᠶᠣᡠ᠋ ᠨᡳᠩ ᠪᡝᠨ᠋ ᠰᡳ
ᡥᡠᠸᠠᠨ᠋ ᡰᡝᠨ᠋ ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᠯᡳᠶᠣᡠ᠋ ᠨᡳᠩ ᠪᡝᠨ᠋ ᠰᡳ
ᡳᡨᡠᠩ ᠮᠠᠨᠵᡠᡳ ᠪᡝᠶᡝ ᡩᠠᠰᠠᡵᠠ ᡤᡡᠰᠠ ᡤᡳᡵᡳᠨ ᠰᡳ ᡦᡳᠩ

  1. 中华人民共和国国家统计局>>普查数据(ᠨᡳᡴᠠᠨ
    ᡤᡳᠰᡠᠨ)