Wp/mad/Joko Tole
From Wikimedia Incubator
Joko Tole otaba Pangeran Secodiningrat III paneka /pangeran Sumenep kapeng 13 ban marenta se abidha 45 taon molai taon 1415 sampe' taon 1460, ajenengan putra dari /Raden Ayu Potre Koneng, piyo' dari /Pangeran Bukabu.
[edit] Riwayat kelahiran
Joko Tole neka putra se lahir dari /kabin batin antara ebuna kalaban /Pangeran Adipoday. /Adipoday enggi paneka pangeran Sumenep se marenta bakto neka ban masok pangeran Sumenep se kapeng 12.
Maberra'na /Putre Koneng lebat kabin batin neka madateng kontroversi e /kraton mala eyanggep maberra' e loar kabinan ban agabay nesso oreng toana. Putre Koneng ahirra ngala' kepotosan kaangguy ngasingagih baji'na kalaban cara nyaba' baji Joko Tole ey/alas. Baji neka dibudina are e temmo terros erabat /Empu Kelleng ban sareng se nemmo paneka, baji Joko Tole esosoe sareng /susu kerbuy.
Joko Tole jugan gaduan ale' enggi paneka /Jokowedi.
[edit] Kesaktean
Joko Tole kesuwur daddi oreng blater otaba ksatria se gaduan kesaktean se tenggi. Molae omor 6 taon, Joko Tole molae ngeluwaragih kejunelan-kejunelan se luar biasa ban abareng Bapak angkadda Joko Tole aherra ngabula neng /kraton Majapahit. Neng Majapahit, Joko Tole ahasel ajalanagih lakona ban daddi sala settong perwira neng kraton se kasebut, selaen paneka ajengan jugan daddi manto Patih Muda Majapahit.
Pan barampan kasuksesan Joko Tole neng Majapahit eantarana abangun pintu gerbang kraton, /benteng Kalimo'ok ban ehasil mekala pangeran /Bali enggi paneka /Dempo Abang.
Sala settong senjata andalan Joko Tole se daddi /legenda enggi paneka /pecut ban kesuwur esebut /pecut Joko Tole. Ajenengan jugan gadhuwan /jeren se menorot legenda jeren neka gadhuan kalembang ban bisa ngabber. Jeren ngabber gadhuan Joko Tole daddi simbol kapahlawanan, kajentenan, ban kakoatan jugan kataatan.
[edit] Pangeran Secodiningrat III
Sapotar taon 1415, Joko Tole kalaban /rajina enggi paneka /Dewi Ratnadi kembali da /kraton Sumenep (/keraton Banasare) kaangguy nemoe ebuna RA Putre Koneng. Bekto paneka Joko Tole jugan elantik daddi pangeran Sumenep ka 13 ban asandang gelar Pangeran Secodiningrat III. Taon 1460, Pangeran Secodiningrat III egante sareng potra pertamanah enggi paneka /Arya Wigananda.
