Wp/lus/Phekpui/Mizoram
Mizoram hi India ram hmarchhaka rambung (Sâp ṭawngin: state) pakhat a ni a; Laizawn pasarihte an tih zinga pakhat a ni. Kum 1987, ramtuk thlà ni 20 khan India rama a 23-na ni tùrin rambung puitlingah hlankai a ni. Rambung puitling a nih hmaa rorelna hmunpui ber Aizawl chu khawpui atana hman chhunzawm nghal a ni.
Sik leh sa[edit | edit source]
Mizoram sik leh sa hi thlasik laia vawt lutuk lo, nipui laia lum lutuk lo a ni a; thlasik laiin 7°C aiin a vawt ngai meuh lo va, nipui laiin 29°C aiin a lum ngai meuh lo bawk. Ṭomir thla aṭanga mimkût thlà thleng fùr a ni tlangpui a, hetihlai hian India tuipui lam aṭanga telphawk thli siperin ruah leh thliin hnianghnar takin a chawm deuh reng a ni. A rampum ruahtui tla chawhrual chu kum khatah centimeter 254 (inchi 100) vêl a ni a. Aizawl khawpuiah hian kum khatah cm 208 vêl ruah a tlâk laiin Lungleiah erawh chuan cm 350 vêl lai a tla ṭhin thung.
Km² 21,080-a zau a ni.
Ram leilung[edit | edit source]
Mizoram hi tlangram chhengchhe tak a ni a. Lui tam vak lo kama phaizawl zim tak takho tih loh chu phaizawl sawitlâk a awm meuh lo. Tlangdung lian pui pui 21 zet chhim leh hmar zawngin a inkhawh thlứr sung a, heng tlang dungte hi khawthlang lamah chawhrualin fit 3281 laia sang a ni a, khawchhak lamah sang chho tial tialin chhaklam tlangdungte chu chawhrualin fit 4300 dawn a lo ni chho ta a ni. Tlangchhîp sang ber chu Mizoram chhim-chhak lama Sangau khaw bula Phawngpui tlang a ni a, fit 7251 zeta sang a ni. Tlangchhîp sang zual deuh deuhte chu hengte hi a ni:
Lui lian sawi tham a awm lo va, Mizorama lui lian ber chu Chhimtuipui a ni. Luite hi tlangdung inkhawh dàn zawngin a luang hlawm a, lui lian zual deuh deuhte chu hengte hi a ni:
Dil lian deuh deuhte chu:
Mipui[edit | edit source]
Mizoramah hian Zohnahthlâk hnam hrang hrang bâkah Chakma leh Gorkhali tamtak an cheng a; kum 2011 chhiarpuia a lan dànin Mizoram chhungah hian mi maktaduai khat vêl (mi 10,91,014) an cheng a, chung zingah chuan zohnahthlâk ni lo hnam dang hi zaa 12 vêl zet an awm a ni.
Zohnahthlâk zingah hian Lusei ṭawng hmang an tam ber a; chhim lamah Mara te, Lai te rorelna hrang neiin an khawsa. Hmar te, Paihtë te leh zohnahthlâk hnam dang tamtak an cheng bawk.
Sakhuana[edit | edit source]
Kum 2011 chhiarpuia a lan dànin kristian zaa 87 zet an awm a. Zohnahthlâk zingah Bnei Menashe mi leh sa tam tak an awm bawk.
Kohhran a tam êm êm a, chung zinga a lian deuh deuhte chu:
- Mizoram Presbyterian Kohhran
- Zoram Baptist Kohhran
- United Pentecostal Church
- Roman Catholic Kohhran
- Lairam Baptist Kohhran
- Lairam Isua Krista Baptist Kohhran
- Isua Krista Kohhran
- Evangelical Church of Maraland
- Chhandamna Sipai Pawl
- Seventh Day Adventist Kohhran
- Independent Church of India
- Evangelical Free Church of India
- Rinna Kohhran
- Kohhran Thianghlim
- Biakmawia Kohhran
- Pu Chana Pawl
Mizoram ṭhenna[edit | edit source]
Mizoram hi district hrang hrang 8-ah ṭhen a ni a, chungte chu:
Districts[edit | edit source]
| Lamtawi[1] | Rambial | Hmunpui | Din kum | Bial | Zauzawng | Mipui cheng zât (As of 2001[update]Template:Wt/lus/DMCA) | Mipui bitzáwng | Ramthlá |
|---|---|---|---|---|---|---|---|---|
| AI | Aizawl | Aizawl | 3577 | 339,812 | 95 | |||
| CH | Champhai | Champhai | 3168 | 101,389 | 32 | |||
| KO | Kolasib | Kolasib | 1386 | 60,977 | 44 | |||
| LA | Lawngtlai | Lawngtlai | 2519 | 73,050 | 29 | |||
| LU | Lunglei | Lunglei | 4572 | 137,155 | 30 | |||
| MA | Mamit | Mamit | 2967 | 62,313 | 21 | |||
| SA | Saiha | Saiha | 1414 | 60,823 | 43 | |||
| SE | Serchhip | Serchhip | 1424 | 55,539 | 39 | |||
| Total | -- | -- | 21081 | 888,573 | 42 |
District dilna tharte[edit | edit source]
Thu lakna hnar[edit | edit source]
- ↑ "NIC Policy on format of e-mail Address: Appendix (2): Districts Abbreviations as per ISO 3166-2". Ministry Of Communications and Information Technology, Government of India. 2004-08-18. pp. 5–10. https://www.mail.nic.in/docs/MailService_e-mail_address_Policy_WithCodes.pdf. Retrieved 2008-11-24.
- en[1]