Wp/lld/Museum de Gherdëina
From Wikimedia Incubator
L Museum ie na istituzion al servisc dla jënt y dl svilup culturel dla sozietà (ICOM, International Council for Museums)
L Museum de Gherdëina ie unì giaurì tla Cësa di Ladins a Urtijëi ai 7.08.1960. Da ntlëuta iel unì ngrandì doi iedesc. L vën menà da n Cumité de 10 persones litedes: 5 cumëmbri dl Museum, 2 reprejentanc dla Union di Ladins de Gherdëina y 3 reprejentanc di chemuns de Urtijëi, S. Cristina y Sëlva.
I fins dl Museum de Gherdëina ie:
- culeziuné, mantenì y varenté l'arpejon culturela y artistica coche nce la richëzes naturalistiches dla valeda; - prejenté la culezions dl Museum y purté pro a les valorisé tres studi spezifics; - tué do n con' dla storia y cultura dla jënt de Gherdëina y mustré su si identità culturela; - purté pro cun si atività, tres manifestazions y publicazions, a n svilup criatif dl' ert y dla vita culturela dla valeda.
I majeri projec dl Museum tl 2003-04:
" Lëur d'autèresc te Gherdëina": proiet de nrescida storico-scientifica sun l ert de fé auteresc te Gherdëina dal 1700 al 1940, pra chël che lëura pea 5 studiei (cun documentazion dla vedla berstots y di auteresc mandei oradecà). I resultac dla nrescida unirà publichei te n liber , che unirà dat ora deberieda cun l Istitut Ladin "Micurà de Rü".
Restaur , recustruzion y prejentazion dl taflà de Bierjun cun i desënies da crëida cuecena dl 1498.
"L Museum per la Scola": realisazion de material didatich per sculeies en cunlaurazion cun l Istitut Pedagogich Ladin .
Mostres spezieles.
Ora de chisc proiec iel mo da ti jì do a n grum d'auter lëur museal: cunservazion y prejentazion, servisc de nfurmazion y cunsulënza, tuedes, archiviazion y auter.
[edit] Proiec
I majeri proiec realisei tl 2002-2003:
• Restaur dl Drap dla Pascion da Sacun
• Cudejel sun l Drap dla Pascion
• Material didatich per la sezion geologica
• Prejentazion nueva dla sezion archeologica
• Mostra sun l fotograf di crëps E. Baumann
• Mostra de pitures sul tema di crëps
• Mostra y liber sul prof. Ludwig Moroder
