Wp/lld/Josef Moroder Jumbiërch

From Wikimedia Incubator
Wp > lld > Josef Moroder Jumbiërch
< Wp‎ | lld
Jump to: navigation, search
Bera Sepl cun si prima fëna Annamaria Senoner tl 1869 n viac da noza a Minca
Arcangiul Michiel tla dlieja de San Antone a Urtijei
Madona tla dlieja de San Antone
Madona sun autere de dlieja de Urtijëi
I trei reiesc sun autere dla dlieja de Urtijëi

Bera Sepl Moroder da Jumbiërch (cuneschiu ora de Gherdëina sciche Josef Moroder Lusenberg), ie nasciù ai 28 de mei 1846 sa Scurcià a Urtijëi y mort ilo ai 17 de faure 1939.

El fova n mut de Vinzenz Moroder y Annamaria Schmalzl de Christl Pech. I fredesc dl pere fova gran marcadënc a Ancona y bera Vinzenz gran paur sa Scurcià. Bel da jëun, tl 1862, a Bera Sepl arpà da si berba da n corn, J. Dominik Proder, ‘l luech de Jumbiërch ulache l ie jit a ste duta si vita.

Bera Sepl a marida si prima fëna Anna Maria Senoner, fia dl ost da Mauritz, persona de gran sensibilita aldo che n vëich dala rezetes da cujine che la a scrit y che ie unides publichedes te n liber. Do avei abu cater fions: Batista, Josef, Maria y Emilie ie Anna Maria morta de pert – coche l suzedova dret suënz nlëuta. Bera Sepl a po cunesciu y maridà a Trënt la marcadënta de antiquariat Felizita Unterplatzer y a abu dad eila mo 12 fions: Wilhelm, Emma, Friedrich, Alfons, Josef, Hermann, Vinzenz, Gisela, Aurelia, Hermann, Anton y Otto. Feter duta si mutans y mutons ie stac artisc de gran talent.

Bera Sepl ie tl 1876 jit a studie tla Cademia de München coche doi si fredesc Giuani tl 1870 y Leopold tl medemo an. Do i ani dla Cademia de Muenchen ie bera Sepl mo stat sculè dl moler Franz Defregger per cater ani.

Veronika Rubatscher, la scriteura nazional-populera de Persnon a scrit la vita de Bera Sepl te n roman ciancia tl Gherdëina dala maestra anda Elsa da Passua.

Bera Sepl a depënt truep te si longia vita, n disc pasa mile chedri a uele, la masra pert vendui ora per l mond y perdui, scultures sciche la addolorata y la vergine te dlieja a Urtijëi. I lëures plu vives, modernes y fresc ie i aquarei y la truepa skizzes te pitli libri che l purtova cun se y ulache l nutova su dl dut, stories de cronica dl luech, notizies da zacan y si psieres.

Per savei de plu sun Bera Sepl[edit]

  • Calender dl 1987 plata 104-108 sun la mostra dedicheda a bera Sepl - test y fotografies de Robert Moroder.
  • Komitee für die Drucklegung des Moroder-Stammbuches. Die Moroder, Ein altladinisches Geschlecht aus Gröden-Dolomiten. Vom 14. bis zum 20. Jahrhundert. Ursprung - Geschichte - Biographien - Anhang. Beitrag zur tirolischen Familienforschung. Scrit da Edgar Moroder. Eigenverlag, St. Ulrich in Gröden 1980. Plates 188-204.

Autra Plates[edit]

Commons-logo.svg
Wikimedia Commons has media related to: