Wp/liv/Vastālovā

From Wikimedia Incubator
< Wp‎ | liv
Wp > liv > Vastālovā

Vastālovā um līvõd āiga-rōntõs ikš pǟva jedmõl tūgõ-päuvõ agā perri pǟva jedmõl seisõ nädīļt pidtõt sūŗt pastõ jedmõl lejāvõtāmḑi. Vastālovā nim tund saksā kīelstõ (fasten) agā rūotšõ kīelstõ (fastlag), mis tǟntõb past bet līvlizt mõtliztõ ku se tǟntõb «vastõ laijõ». Sīepierāst vȯtšīztõ vastālovā āigal, kīngaks īdskubs lōjas vȱlda. Tuoi rov etimolōgij um ku "lovā" tǟntõb louvõd pǟva. Vastālovā um likkiji pivā, mis um alz 7 nädīļt jedmõl lejāvõtāmḑi. Vastālovā um alz nūoŗ kū āigal tūoiznapǟva 3 kīņḑõļkū ja 9 märts vail.

Līvõd vastālovā pidāmi[edit | edit source]

Vastālovā ȭdõn vȯļ lēmist killõ käkānikīdi ajām. Vastālovā pǟvan äb sō vērbikšõ, kuddõ äbkā pastāļi paikõ: siz kazābõd nīemõdõn jālgad kubbõ ja ne īebõd sogdõks. Vastālovā ȭdõn naizt äb sō sukkõ kuddõ: siz ibbizt pištābõd sīlmad ulzõ. Vastālovā pǟvan um naiztõn vȯlmizt lāngad vērbikšõt. Vastālovā pǟvan seitõ perri sigāvȯzā jarā.

Līvõd vastālovād pidāmizõst kēratiz jubā Andreas Sjögren 19 āigastsadās:

Ikš pūoļ siga pǟd sōb Tõūņõ pǟva ūonḑzõl kietõd, tuoi pūoļ sōn vastālova ȭdõn, sis vanād kītõbõd: se um perri võza. Mūp ȭdõn līn tūg ȭdõg, sos sōbõd lapst sounõ aitõd, magūd lōigi ietõd, vōza ulzõ võttõd, kala sizõl pandõd. Sis ne vastālova ajāid käevõd ama leb kilā, kōrandst kōrand, pōrin īd, pa pōrin īd, kakš kubb akkõnd, kakš kubb akkõnd, tikkiš immõr tubā pȭrand. Ku miņgist mied pūolist näebõd tubās, sis seda kīskõbõd mōz un pluinõbõd.

Munt rovd[edit | edit source]

Krīevõdõn um vastālovā āigal Vȭidag Nädīļ pivād jedmõl pastõ. Brazīļijõs um vastālovā āigal sūrd karnival pivād.