Wp/krc/Сараевода мурдарлыкъ

From Wikimedia Incubator

< Wp | krc
Jump to: navigation, search
Мурдарлыкъ болгъан джерде эскертме доска

Сараевода мурдарлыкъ — 1914 джылны 28-чи июнунда «Млада Босна» атлы серб миллетчи террорист организацияны члени, онтогъуз джыллы босниячы сербли Гаврило Принцип австриячы эрцгерцог Франц Фердинанд бла аны бийчеси София Гогенбергни ёлтюргени. Принцип 5 адамдан къуралгъан группагъа киргенди, группада тамадалыкъ этген Данило Илич болгъанды.

Сербияда ол заманда талай миллетчи (националист) организация болгъанды, ала бютёу къыбыла славянланы бир къралгъа джыйыб «Уллу Сербия» къураргъа излегендиле. Серб аскерни абычарларыны ичинде джашыртынлыкъ «Къара къол» атлы организация болгъанды. Аны умуту Австрия-Маджарны властында тургъан серблени азатлагъан болгъанды. «Къара къолну» бачамасы серб контрразведканы тамадасы Драгутин Дмитриевич болгъанды. Пашични правительствосу огъуна андан къоркъаракъ болгъандыла. Серб правительство сезген болгъанды мурдарлыкъ оюмлары болгъанын, джаратханда этмегенди аны, алай а чырмау да этмегендиле «Къара къолгъа»

Бу мурдарлыкъ Биринчи дуния къазауатны башланнганыны сытауу болгъанды.

Retrieved from "http://incubator.wikimedia.org/wiki/Wp/krc/%D0%A1%D0%B0%D1%80%D0%B0%D0%B5%D0%B2%D0%BE%D0%B4%D0%B0_%D0%BC%D1%83%D1%80%D0%B4%D0%B0%D1%80%D0%BB%D1%8B%D0%BA%D1%8A"