|
Бирлешген Миллетлени Организациясы (къысхасыча — БМО) 1945 джылны 24 октябрында къурулгъан дунияны мамырылгъын, къоркъуусузлугъун сакълар ючюн эмда халкъла арасында экономика, джамагъат эмда маданият ишбирликни бегитир ючюн къуралгъан халкъларасы организацияды. БМО кесин «адиллик эм къоркъуусузлукъну, экономика айныуну эм социал тенгликни халкъларасында бютеу къраллада сакълауну нюзюр салгъан бир глобал къуралышды» деб танытады.
Организацияны къуралгъан джылда 51 члени, бюгюнде Черногорияны къошулуу бла 192 членнге дери ёсгенди. Организацияны оноуу, Нью-Йоркда орналгъан аралыгъындан этиледи эмда къошулгъан къралла бла хар джыл бардырырлгъан олтуруулада мында бардырыладыла.
Организация талай органнга юлешинеди: Генерал Ассамблея, Къорукъуусузлукъну Кенгеши, Секретарият эмда Генерал Секретарь. Бирлешген Миллетлени Организациясыны къураргъа мадар Экинчи дуния къазауат битгенден сора келгенди.
(баргъаны…)
|
Биринчи дуния къазауат (28 июль 1914 — 11 ноябрь 1918) — адам улуну тарихинде эм уллу къазауатланы бириди.
Тарихде бу ат 1939 джыл Экинчи дуния къазауат башланнгандан сора аталгъанды. Къазауатла арасы кёзюуде «Уллу Къазауат» (ингил. The Great War, фран. La Grande guerre) дегендиле, Эресей империяда аннга бир-бирде «Экинчи Ата Джурт (къазауат)»; кечирек СССР-де — «империалист къазауат» дегендиле.
Ачыкъ чурумгъа Сараевода мурдарлыкъ саналады, 1914 джылны 28 июнунда австриячы эрцгерцог Франца Фердинандны 19 джылдагъы серб гимназист Гаврило Принцип бла ёлтюрюую (бютеу къыбыла славян миллетлени бир къралгъа джыяргъа излеген террорист «Млада Босна» атлы организациячы болгъанды).
(баргъаны…)
|
|
Ислам (араб. الإسلام) — дуниялыкъ дин, монотеистлик (бир Аллах ийнаннган) дин. Авраамлыкъ (Ибрахимлик) динледен бири (башхала - иудейлик бла христианлыкъ). «Ислам» сёзню талай магъанасы барды, биринчи магъанасы «мамырлыкъ» болгъанды. Башха магъанасы бу сёзню - «кесинги Аллахха берген». Шериат терминологияда ислам — ол толу, абсолют бираллахлыкъды, Аллахха бойсунуу, кёбаллахлыкъдан (ширкдан) кетиу. Аллахха бойсуннган адамлагъа исламда «муслиманла» дейдиле.
Къураннга кёре, джангыз ислам — тюз динди адамлагъа, бары Файгъамбарлада ол динни тутхандыла.
(баргъаны…)
|
Христианлыкъ (грекча Χριστός — «Къутхарыучу» деген сёзден) — дуниялыкъ динлени бириди. Рим империяда, Палестинада бизни эрабызыны I ёмюрюнде чыкъгъанды.
Христианла Аллахны джашы Иса Христос адамланы гюнахлары кечилирча, адам санына кириб, Джерде джашаб, зарауатлыкъ сынаб ёлгенди, сора тирилиб кёкге учуб кетгенди деб ийнанадыла.
Ахыр Заманда хар адамны ишлерине кёре хакъ берирча экинчи кере Джерге къайтырыкъды.
Сыйлы китаб - Библияды. Библияны Иса Христосну джашаууну эм окъуууну юсюнден эрттегили христиан хапарлары болгъан, христиан динни мурдоруна саналгъан кесеги - Инджилди (Евангелие).
(баргъаны…)
|
