Wp/kiu/Pela Seri/Zaza
From Wikimedia Incubator
Zazay jü saro Aryanıco u wılayetunê Tırkiya de, jêdêri Mamekiye (Dêsım), Erzıngan, Şêvaz (Zera), Erzurum (Xınıs), Muş (Varto), Çewlig (Bingol), Diyarbekır (Hêni, Qulp, Piran, Çêrmug), Xarpêt (Eleziz) (Pali, Maden, Qeze) Rıha (Urfa) (Şêwrege) de cüyenê. Dina sero texminen 3-4 milyoni Zazay estê.
Contents |
[edit] Welat u ğeribiye
Welatê Zazau hetê iqtısadi ra quwetın u ravêrşiyae niyo. A ri ra, xêlê dewıcun dewê ho caverday (terk kerdi), bar kerd şi ğeribiye. Feqet politika dewlete heni kota thamarunê sari ke, metropolunê Tırkiya (Astamol, Anqara, İzmir, Bursa, Adana) de bo, Awropa (Almanya, Fransa, İsweç) de bo, bilxasa saro Zazao Alewi zonê ho rê bi xam u kot düri, domanê qıci Zazaki nêmusay. Mılet kot halo henên ke, pil u qıci nêşikiyay zonê ma u piyê ho ra jübini de, mordemunê ho de qesey bıkerê.
[edit] Din u itıqat
Dinê sarê Zazay İslamo. Hetê mezhebi ya ki itıqadi ra letê sarê Zazaunê zımey ke Alewiyo, leto bin ki veroc u merkez de Sunniyo.
- İslamo sunni; itıqadê Zazaunê Sunniun be Henefiun u Şefiun ra mıteşekılo.
- Alewi; itıqadê Zazaunê Alewiun ra yeno pêra.
[edit] Zon
Zonê Zazau Zazakiyo u aidê zonunê İrankiuno, jü zonê do İrankiyo zımeo rocawano. Zonunê Farski, Kurdki, Beluçki, Guranki, Sengserki, Mazenderanki, Talışki u Gileki ra nejdiyo. Mıntıqa Mezopotamya Zımey u Anadoliye de texminen 4-6 milyon insani Zazaki qesey kenê.
