Wp/kiu/Pela Seri/Tırki

From Wikimedia Incubator

Tırki (ebe Tırki: Türkçe) lızgê zonunê Oğuji ra jü zonê do aidê zonunê Altayo. Tırki resmi zonê Tırkiyao u Cumurêtê Tırkê Qıbrısê Zımey, Bulğarıstan, Yunanıstan, Makedonya, Moldaviya, Suriya u İraq de qesey beno. Wertê zonzanaoğu de cı rê Tırkiyê Tırkiya ki vajino. Teqriben 70-80 milyon mordemi Tırki qesey kenê.

Tırki de zaf mıxtelıf feki estê, ninu ra fekê Astamoli ewro Tırkiyo Berz teşkil keno. Tırkiya de taê fekê bini ki mıntıqa Deryaê Şiay, Anadoliya rozakotene u mıntıqa Egey de qesey benê.

Waxtê İmparatoriya Usmanızu de Tırki be alfabê Arebki nuşiyêne. Serra 1928ine de terefê M. Kemal Atatürki ra vurniya u o ra nat be alfabê Latinki nuşiya. Serra 1932ine de ki Cemiyetê Cıfeteliyaisê Tırki (Türk Dil Kurumu) niya ro.

Contents 1 Alfabe 1.1 Telafuzê taê herfu 2 Gramer 2.1 Tırki de halê namu 3 Çımey

[edit] Alfabe

Alfabê Tırki de 29 (vist u new) herfi estê.
Herfê gırşi: A B C Ç D E F G Ğ H I İ J K L M N O Ö P R S Ş T U Ü V Y Z
Herfê qıji: a b c ç d e f g ğ h ı i j k l m n o ö p r s ş t u ü v y z

[edit] Telafuzê taê herfu

Tabela cêrêne de herfê ke tede çinê, ni jê yê Zazaki telafuz benê (yenê wendene).

Herfe	Nisanê IPAy	Salıxdaene
c	[dʒ]	Afrikati: d + j'o vengdar
ç	[tʃ]	Afrikati: t + ş'o bêvengdar
ğ	[:], [y]	Herfunê vengınu ra dıme jê y'y yeno wendene, zobina ki herfu keno derg
ö	[œ]	ö'yo kılm u tari (No veng Zazakiyê bıngey çino, hama taê fekunê Zazaki yeno diyaene)

[edit] Gramer

[edit] Tırki de halê namu

Tırki de ebe izafê namey (halê genitifi) ra pia ses halê namu estê:

Namê hali	Arezekerdene be pers	Peybendi
Nominatif	kam?	-
Akkuzatif	kami?	-ı / -i / -u / -ü
Genitif	yê kami?	-ın / -in / -un / -ün
Datif	kami rê?	-e / -a
Lokatif	kami de?	-de / -da
Ablatif	kami ra?	-den / -dan

Tırki de halê namu
kapı	çêber	ev	çê
kapıyı	çêberi	evi	çêy
kapının	yê çêberi	evin	yê çêy
kapıya	çêberi rê	eve	çêy rê
kapıda	çêber(i) de	evde	çê(y) de
kapıdan	çêber(i) ra	evden	çê(y) ra

[edit] Çımey

• Dezgê Zonê Tırki (TDK)
• Qursê Tırki (Ebe İngilızki)