Wp/khw/عنایت اللہ فیضی
| پروفیسر ڈاکٹر عنایت اللہ فیضی،تمغہء امتیاز | |
|---|---|
 ڈاکٹر عنایت اللہ فیضی | |
| آژیک |
14 August 1952 بالیم، ڑاسپور،تحصیل مستوج، ضلع چترال،  پاکستان |
| ادبی نام | فیضی |
| پیشہ | ماہر تعلیم، لکھاری، کتابو سفیر |
| ملک |
پاکستان |
| قومیت | چترالی |
| شہریت |
پاکستانی |
| تعلیم | پی ایچ ڈی |
| یونیورسٹی | پشاور یونیورسٹی |
| سال | 1985 |
| اصناف | تحقیق،درس و تدریس |
| مضمون | زبان و ادب، لسانیات |
| نویوکو کوروم | فیضی صائبو 2016 بچے کتابو سفیر مقرر کورونو بیتی شیر |
| ایوارڈ و اعزازات | تمغہء امتیاز |
| آژیلی | 2 |
| Website | |
| فیضی | |
ڈاکٹر عنایت اللہ فیضی(انگریزی: Inayatullah Faizi)ممتاز کھوار شاعر، ادیب، کالم نویس، نقاد، محقق، سفرنامہ نگار وا ای پرخلوص ادبی کوروم غار آسور۔ ھو تعلق پاکستانو صوبہ خیبر پختونخو ضلع چترالو تحصیل مستوچو ڑاسپورو بالیمو سوم شیر ، وا ھیس روزنامہ مشرق پشاور، روزنامہ آج پشاور، وا خور اخبارین مضمون اوچے کالم نیویشیران وا ھانیسے گورنمنٹ ڈگری کالج چترالا اردوو پروفیسرو حیثیتہ قامو آژیلیانتے تعلیم دویان، کھوار اوچے اردو زبانا شاعریو سوم جستہ جستہ اردو اوچے انگریزی زبانا آرٹیکل دی نیویشیران، موجودہ وختہ ضلع چترالو ژوغورا ہال بویان-
سوانحی خاکہ[edit | edit source]
ڈاکٹر عنایت اللہ فیضی 14اگست 1952ءبالیمہ مولانا محمد اشرفو دورا اژیتائے ۔ چھترارو ہائی سکولار 1970میٹرک پاس اریر ۔ پشاور یونیورسٹیار ایم اے اردو 1978ءایم اے اسلامیات 1980ایم فل 1987و پی ایچ ڈی 1992اریر۔
ملازمت[edit | edit source]
1976آر گنی 1982پت وزارت اطلاعات حکومت پاکستانو انفارمیشن آفیسر وا سب ایڈیٹر جمہور اسلام کھوار حیثیتہ کوروم اریر ۔1982ءمحکمہ تعلیم صوبہ خیبر پختونخوا لیکچرار بیتی ہائے ۔ 1978ارگنی 1983پت انجمن ترقی کھوارو جنرل سکرٹری بہچیتائے ۔ 1983گنی 1990پت ، ہیرار اچی 1992ارگنی 1995پت انجمن ترقی کھوارو صدر بہچیتائے ۔
کتاب[edit | edit source]
چھاپ برو کتابان موژی ، واخان ، چین بہ جبین ، کھوار اردو بول چال شامل شینی ۔ ” چترال ایک تعارف “ نامین کتابہ شریک مصنف حیثیتہ شامل ہوئے ۔ 32تحقیقی مقالہ لیلو ٹ کتابیں چاپ بیتی شینی 18مقالان نویشی ملکی و بین الاقوامی کانفرنسیں بی پیش کوری اسور ۔
کالم[edit | edit source]
1994ار چی اردو اخبار روزنامہ آج و روزنامہ مشرق پشاورا ” داد بیداد “ عنوانوں سورہ کالم نیویشیران۔ علمی ، ادبی و ثقافتی سلسلا سیمینار وچہ کانفرنسیں حصہ گانیکو بچے ، عوامی جمہوریہ چین ، جرمنی ، برطانیہ، ایران اوچے نیپالو دورہ کوری اسور ۔ غیر مطبوعہ کتابان تعداد 9شیر ۔ ہے موژی چھور کتاب کالمان مجموعہ، جو کتاب شخصیاتن تذکرہ، ای کتاب شعری مجموعہ، جو سفرنامہ شینی۔
ایوارڈز و اعزازات[edit | edit source]
- تمغہء امتیاز
