Wp/kaa/Berdaq - Salıq

Mag’an xesh ga’p eshegim bar,
Satıp berermen bir bazar,
A’tten’ jarlı ash Ernazar,
Og’an qıyın boldı salıq.

Anaw otır Qulımbet bay,
Tayar aldında appaq may,
Ash xalıq ju’r tabalmay jay,
Do’hmet boldı usı salıq.

Aq u’zikli u’lken otaw,
O’z aldında bolıp ataw,
Erman axun otır anaw,
Og’andag’ı joqdur salıq.

Anaw ju’rgen Pirim sholaq,
Etip ju’r ol jalaq-julaq,
Salıq dese tayar ol-aq,
Bizler ushın qıyın salıq.