Wp/kaa/Berdaq - Jaz keler me?

[edit] Jaz keler me? (Berdaq)

Dawıl boldı, u’rgin u’rdi,
Qosımnın’ qamısın tu’rdi,
Duman bastı aspan jerdi,
Puxarag’a jaz keler me?

Tamag’ım joq isherime,
Ko’ligim joq ko’sherime,
To’segim joq to’serime,
Men sorlıg’a jaz keler me?

Ten’iz ashshi, suw sorlıq duz,
Qostın’ ishi bolıp tur muz,
Qattı g’a’zep etip tur qıs.
Qıslar ketip jaz keler me?

Arqam Toqtas, suwı teren’,
Esitpeydi-aw quday geren’,
Aqır zaman usı der em,
Qıslar o’tip jaz keler me?