Wp/jam/Yunaitid Kindom
From Wikimedia Incubator
|
|||
 |
|||
Di Yuunaitid Kindom, ofishali di Yuunaitid Kindom a Griet Britn an Nadan Airilan, a wahn sovrin nishan we de aafa di naatwes kuos a kantinental Yuurop. A wahn ailan nieshan, we mek op a Griet Britn, di naatiis paat a Airilan, an nof ada likl ailan. Apaat fram di lan baads we Nadan Airilan ab wid di Ripoblik a Airilan, di nieshan soroun bai di Atlantik Uoshan, di Naat Sii, di Inglish Chanel, an di Airish Sii. Di bigis ailan, Griet Britn, jain-op tu Frans wid di Chanel Tonel.
Di Yuunaitid Kindom a wahn yuuniteri stiet we mek op a fuo konchri: Ingglan, Nadan Airilan, Skatlan, and Wielz. I govan bai wahn paalimenchri sistim, an di siit a govament de ina Landan, bot yaav chrii ada nashinal adminischrieshan ina Belfast, Cardiff, and Edinburgh. Di Yuunatid Kindom a wahn kanstityuushanla Manaaki, ina we Kwiin Elizabeth II a di ed a stiet. Di nieshan av fuotiin oubasii terichri, we lef afta di British Empaiya, we wehn kanchruol aalmuos a kwaata a di lan sorfes a di wol, ina 1992- di bigis empaiya ina ischri. British influens de ina di langgwij, kolcha, an liigal sistim a nof a di faama koloni dem. Kwiin Elizabeth a stil di ed a di Kamanwelt a nieshan, an di ed a stiet fi di wuola di Kamanwelt konchri dem.
Di Yuunaitid Kindom a wahn divelop konchri, wid di fif (naminal GDP) ar six (PPP) bigis ikanimi ina di wol. I a wehn di fos konchri fi indoschrialaiz, an yuuz tu ron di wol as di muos powaful konchri, ina di 19nt ahn 20t senchri. Anfaachinetli, di kaas a tuu wol waar, an di diklain a di empaiya ina di sekan aaf a di 20t senchri jraa dong di ruol we i yuuz tu plie ina gluobal afierz. Stil, di Yuunaitid Kindom a wahn chreng powa wis chreng chreng ikanamik, kolchral, milichri ahn palitikal influens an a wahn mieja nyuuklier powa, wid di sekan ar tord aiyes difens bojet ina di wol. Di konchri a wahn memba a di Yuuropian Yuunian, ab a pormanent siit pan di Yuunaitd Nieshan Sikioriti Kounsl, and a memba a di G8, NATO, OECD, WTO, and di Kamanwelt a Nieshan.
