Wp/jam/Kyaribiyan Sii
From Wikimedia Incubator
Di Kyaribiyan Sii a wahn badi a waata we de nex tu di Atlantik Uoshan, an di Golf a Mexiko. I baada bai Venizuela an Kolombia tu di sout; Panama pan di soutwes; Kasta Riika, Nikaragua, Guatimaala, Andyuuras, an Beliiz pan di wes; di Grieta Antiliiz (Kyuuba, Jumieka, di Daminikan Ripoblik an Puoto Riiko pan di naat an di Lesa Antiliiz pan di iis. Di wuola di ieria a di Kyaribiyan Sii, di nof nof ailan a dis Wes Indiiz, an di kuos dem pan di baada, kalektivli niem di Kyaribiyan.
Di Kyaribiyan Sii a wan a di bigis saalt waata sii dem, an i ab a ieria a bout 2,754,000 km² (1,063,000 skwier mail). Di diipis paint a di Kieman Trof, bitwix Kyuuba an Jumieka, we de 7,686 m (25,220 ft) biluo sii lebl. Di Kyaribiyan kuos ful a golf, ahn bie: di Golf a Gonâve, Golf a Venezuela, Golf a Darien, Golfo de los Mosquitos an di Golf a Honduras.
