Wp/jam/Jumiekan Fuud

From Wikimedia Incubator

Jumiekan stail Jork chikin, wan a di muo papyula fuud dem we yu wii aal fain pahn ruodsaid.

Jumiekan Fuud ab kukin tekniik, flieva, spais, ahn influens frahn iich a di wuoliip a imigrant dem we kom a di ailan uova di senchri dem. Nowadiez, di kaina fuud dem we de pan ebri Jumiekan smadi menyu inkluud kori guot, frai domplin, aki ahn saal fish (di nashinal dish), frai plaantn, jork chikin an puok, an rais ahn piiz.

[edit] Ischri

[edit] Tieno kwiziin

Kristofa Kolombus kom a di konchri fyuu taim nier di en a di 15t senchri an di taat a do 16t senchri; im wehn iibn stock wan taim aafa di naat kuos fi tuu ier (1503-1504). In a dem de visit de him diskraib di wie di indijinos piipl dem, di Tieno, prizaab dem miit bai yuuzin chili pepa, aalspais, an sii saalt fi mek we kom fi bi nuon az Jumiekan Jork Spais.

[edit] Di divelopment a di Kwiziin

Di Panish a wehn di fos Yuuropian piipl dem fi lan pan di ailan, an dem lef dish laik eskobiich fish. Den di Inglsh dem kom an inchrajuus tingz laik di Jumiekan Pati. Chuu sleivri, Afrikan kwiziin divelop pan di ailan an i laas chuu til nou, kaa muos a di piipl dem ab Afrikan anseschri. Yu wii kom kraas Chainiiz an Indian influens ina di fuud tu, chuu di wuoliip a indencha liebara dem we riplies sliev afta imansipeishanm, laik di eva papyula kori miit.

[edit] Papyula Ebridie Fuud

Di nashinal dish a Jumieka.

• Aki ahn Saalfish
• Jork Chikin
• Kori Guot
• Rais ahn Piiz (rais wid red biin styuu dong wid kuoknat milk)

Jumiekan Pati- Pati shap de ebriwe ina Jumieka, we yu kyahn get disya hat, spaisi pieschri fi nyam.

• Jumiekan Pati (Biif, Chickin, Chiiz. Saai, Kori, Vegitebl, Shrimp, Labsta, Kalalu)
• Spais (Iista) Bon
• Broun Styuu Chikin/ Biif/ Puok
• Red Piiz Suup
• Styuu Piiz (Piiz styuu dong wid Red Piiz, Chikin Fut/ Pig tiel, Saal Biif)
• Mansih Waata (Guot ed suup) (Papyula wid di man dem faa i supuoz fi gi man chrent- afrodiiziak)
• Eskobiich Fish
• Makril Ron Dong
• Axtiel
• Pepapat Suup
• Kalalu ahn Saalfish
• Kyabij ahn Saalfish
• Kaanbiif ahn Kyabij
• Stiim Fish
• Okra (Okra ahn Saalfish tu)
• Pigfut Styuu
• Koufut Styuu
• Fruut Juus (Blen-op Beln-op)

[edit] Di Papyula Ingriidient Dem

Jumiekan fuud rich ina flieva an ties. Dat a kaaz dem yuuz wuoliip a difrant siiznin we piipl kyan bai iizi iizi a maakit, suupa maalit, ar a di luokal shap ina dem kamyuuniti. Demy a som a di muos papyula siiznin an fuud dem:

[edit] Miit Chikin Biif Puok Guot Kaan Biif Kou ed Saal fish Saal Biif Axtiel Koufut Pigfut Pigiez Pigtiel Fish [edit] Piiz ahn Biin Laima biin Red piiz Gunggu Piiz (Pigeon Piiz) Braad biin [edit] Fruut Juun plom Kuuli Plom Staar apl Staar Fruut Manggo Papaa Jakfruut Painapl Apl (Uotayiiti apl) Banaana Cheri Tambrin Anato Saril Shugakien Guaava Souwa sap Pashan fruut Pier Kuoknat

[edit] Staachi Fuud Jork chikin wid vejitebl Tipikal Sonde dina Swiit Pitieto Pongkin Bredfruut Yam Chucho (chayote) Dasheen, Kuoko (Taro) Kasaava Plaantn Griin Banaana [edit] Vejitebl Swiit pepa Tumieti Oniyan Kalalu Okra Kyabij Kyarat Aki [edit] Spais Aalspais (Pimento siid-krosh op) Viniga Brounin (Saaya Saas) Kechop Gyaalik Skelian Taim Blak pepa Skach banit pepa Kuokat milk Jinja Jork Spais Difrent difrent siiznin

[edit] Dizort

Jumiekan aiskriim ten fi mek wid kuoknat milk az opuoz tu milk ar kriim we yuuz elswe. Di muos papyula aiskriim flieva dem a griepnot, an rom ahn riezn. Jomiekan piipl ten fi iit aiskriim wid jelo, ef eni de bout.

Ada papyula dizort inkluud pitieto pudn, gizaada (mek outa wahn shell we ab a swiit kuoknat kromz filin), tuoto (kuoknat kiek), banaana fritaz, kuoknat jraps, plaantn taat, dukunu ( wahn Gaanian dish we mek wid staach we swiitn- yuuzhuali kaanmiil ar kasaava- we rap op ahn bwail ina banaana liif; piipl kaal i bluu jraaz tu).