Wp/jam/Jumieka
From Wikimedia Incubator
|
|||
| National motto: Out of many, one people | |||
 |
|||
Jumieka (pronouns laka Jamieka ina soo ada paat) a waa ailan nieshan we de paat a i Biga Antiliiz, bout 234 kilamiita (145 ma) lang aa bout 80 kilamiita (50 ma) waid. I de ina i Kyaribiyan Sii, an i de bout 145 kilamiita (90 mi) sout a Kyuuba, aa 190 kilamiita (120 mi) wes a i ailan we niem Hispaniola, we mek op fraa Hieti aa Daminikan Ripoblik.
I fos piipl dem we did lib ina Jumieka, i Tayiino dem we did chat Arowak, did niem i ailan Xaymaca (pronouns laka zai-ma-ka), we miin iida i "Lan we ha Hud aa Waata", aar "Lan we ha Spring". Spien did uon Jumieka fos aa dem did niem i Santiaago, bot Britn did tek i fraa dem an i ton i British Wes Indiz Kroun Kalani we niem Jumieka. I get Indipendens fraa Britn ina 1962 bot stil tan ina i Kamanwelt a Nieshan wid Kwiin Ilizabet II i hed figa. I kyapital niem Kingston.
Jumieka hab i tod nofis piipl we chat Inglish ina Naat Amerika, aata Merika aa Kyanada ina da siem aada de. Jumieka ha bout 5 milian sitizn wid likl anda haaf a dem a lib ina waa neks konchri. Muos a i maigrant dem de a Merika, Kyanada aa Britn bot i dayaspora pred uoba i huol wol. I bigis indoschri dem a baaxait aa tuorizim. Soo ada indoschri a kaafi, koko, shuga, rom, sichros aa banaana.
Jumieka piipl dem chat waa Inglish Kriyuol Langwij we dem kaal Patwa, aar jos Jumiekan. I bies muos paa Inglish, i langwij dem we i Afrikan sliev dem did chat, likl bit a Panish, waa biini bit a Pouchigiiz, an i ada langwij dem fran i kolcha dem we mekop Jumieka kolcha.
Iivn duo a waa lii konchri, Jumieka gi i wol huoliip ina miuuzik, spuots, rilijan aa wid Maakos Gyaavi help, Blak Nashinalizim.
| Di Konchri ahn Terichri a di Kyaribiyan | |
|---|---|
| Andyuuras • Anggila • Antiiga ahn Baabyuuda • Aruuba • Ba’aamaz • Baabiedoz • British Vorjin Ailanz • Chrinidad ahn Tubiego • Daminika • Daminikan Ripoblik • Grinieda • Gwadiluup • Ieti • Jumieka • Kieman Ailanz • Kolombia • Kyuuba • Maatiniik • Mexiko • Mansarat • Nedalan Antiliiz • Nikaragwa • Puoto Riiko • Sin Baatelimi • Sin Kits ahn Niivis • Sin Luusha • Sin Maatn • Sin Vinsn ahn di Grenidiinz • Torks ahn Kiekos • Yunaitid Stiet • Yunaitid Stiet Vorjin Ailanz • Venizwela |
