Wp/jam/Baabiedoz

From Wikimedia Incubator

Baabiedoz de iis a di Kyaribiyan Sii, an a wahn indipendant kantinental ailan nieshan ina di Westan Atlantik Uoshan. I de bout 13° naat a di ikwieta an 59° wes a di praim meridian; i stil kansida paat a di Lesa Antiliiz. Di ailan dem we kluosis tu i a Sient Vinsent an di Grenidiinz, an Sient Luusha tu di wes. Chrinidad ahn Tubiego de tu di sout, an nou ab a set maritaim baada wid Baadiedoz. Di tuotal lan ieria a bout 430 skwier kilamita (166 skwier mail). Baabiedoz lan muosli flat, wid sohn fyuu aiya ieria ina di migl a di konchri. Di aiyis paint a Mount Hillaby ina Saint Andrew Parish.

Di jalajikal kompozishan a Baadiedoz a frahn non-volkyanik arijin, an mek op a muosli laimstuon-koral faam ina sobdokshan a di Sout Amerikan pliet we crash-op ina di Kyaribiyan pliet. Di ailan ab a trapikal klaimit, wid chried win aafa di Atlantik Uoshan we kip di tempricha dem mail. Som a di lesa divelop paat a di konchri ab trapikal udlan ahn manggruov. Ada paat a di inlan we di argikolchral indoschri fuokos ab wuoliip a shuga kien estiet ahn waid, gengkl sluopin paascha lan, we ab nais nais vyuu dong tu di kuos.

Baabiedoz ab a ai Yuuman Divelopment Index. Ina 2006, i rangk 31s ina di uol wol, an tord ina di Amerikaz, biyain Kyanada an di Yunaitid Stiet.