Wp/gor/Tanggomo

Tanggomo de uyito-yito tala tuwewu seni lo molo’iya to Hulontalo. Tanggomo momuwato hungguli u yilowali, lapata'o hungguli boyito pe'ilahuliyo to ta motanggomo. Lahu lo tanggomo mohihede wolo lahu u wewo, sababu lo nadaliyo, wawu o rima to bahasa lo lahuliyo.

Tuwango lo tanggomo de uyito hungguli u yilowali, mowali olo hungguli u pilohutu oli ta motanggomo. Wanu pe’ibahasa Indonesialo, tanggomo uyito artiliyo tampung. Tanggomo uyito menampung meyalo tuwa-tuwango hungguli u yilowali.

Omo-omolu mayi tanggomo bo odelo tuladu lo habari, sababu tanggomo uyito tala tuwawu lo usaha mopotunggulo lo habari ode tuwango lipu. Wolo-wolo u yilowali to lipu tuwawu mowali otawa lo tawuwewo sababu tilanggomo mayi lo ta motanggomo. Humayaliyo, woluwo u yilowali to Limutu. Ta motanggomo mola momilohu wawu modungohu hungguli boyito, lapata’o tiyo ma mona’o ode lipu u wewo wawu muli motanggomo hungguli boyito.

Masatiya materi pohutuwolo tanggomo ma dadata. Diila bolo wolo-wolo u yilowali wawu hungguli. Totombuluwa layito me'ihutu olo ta motanggomo, tanggomo u tuwa-tuwango program mopobongu lo lipu, lotolo lo lipu, meyalo program keluarga berencana, alihu u pilopotunggulo lo totombuluwa mowali otawa olo tuwango lipu.