Wp/gag/Bolboka

From Wikimedia Incubator

Bolboka (eniycä adı Kotlovina) - Ukraina 'nın Odessa bölgesinin Reni (eski adı Tumarva) rayonunda tek gagauz küüyü.

İstoriya bilgilerinä görä 1754-cü yılda kurulmuş. Bölündüktän sora, 1814-cü yıldan beeri, gagauz küüyü olarak kurulmuş. Yalpug gölün kenarında bulunêr.

Bu küüyü doz-dolay, sansın bir alkaylan, yabancı küülär sarmışlar: bulgar, moldovan, urum, arnaut, ukrayin küüleri. Bolbokalılar, sansın adada yaşayannar, bu alka içindä gagauzluu, gagauz dilini, adetlerini hem kulturayı korumuşlar.

İrminci üzyılın 30-cu yıllarında Bolbokada 5500 can varmış. Küü zengin sayılarmış. 1941-ci yılda, açan Sovetlär geldiler, 22 en zengin ayleyi Sibirä kaldırmışlar. Adamnarın çoyunu da şahtalara trudarmiyeya almışlar. Siirää, diri kalıp, geeri dönmüş.

1946 - 1947 yıllarında, Sovet sistemasının tarafından zorlan yapılan aaçlıın beterinä, bolbokalıların 60%, ani 3300 (üç bin üçüz) can, aaçlıktan ölmüş. Aaçlıktan sora Bolboka 5500 insan sayısının yarısına da etişämedi. Şindi Bolbokada 960 ev var. İnsan sayısı da 2606 kişidir.