Wp/frr/Wat as Wikipedia
From Wikimedia Incubator
| Täkst aw Mooringer Frasch - Å å |
Jü Wikipedia is en änsiiklopedii, wat ai foon en fååste, betåålde redaksjoon, ouers foon friwalie autoore ferfooted wård. Di noome Wikipedia seet ham tuhuupe üt wiki, dåt hawaiianische uurd for "gau", än änsiiklopedii. En Wiki as en weebsite, weerfoon arkäniinj da side lächt än saner technisch waasen matiinjs önj san browser änre koon.
Jü nordfriiske Wikipedia, wat nuch mån en test-Wiki as, as ma nü (25.7.07) 89 artiikle mån gåns latj ouerfor jü tjüsch wat ouer 600.000 artiikle heet än jü änglisch ma ouer 1.900.000 artiikle än sügoor ouerfor jü weestfrasch ma gödj 5000 artiikle än jü saterfrasch ma 378. Mån et jaft uk suke latje, wat duch ål di offizielle stååtus heewe. Sii jü list foon Wikipedias.
Ouers as gewöönlike änsiiklopediie as jü Wikipedia fri. Dåt jaft har bloot saner koostinge önj dåt internet, mån en arken koon har ma önjgoowe foon da kwälle än foon da autoore fri kopiire än brüke. Deerfor söriet jü GNU-liisäns for frie dokumänte, uner jü da autoore jare täkste publisiire.
| Text üüb Fering |
Wikipedia as en entsiikloopeedii, wat ei faan en feest betaalet redaksjuun, man faan freiwalig autooren ferfaadet woort. Di nööm Wikipedia saat ham tup ütj wiki, det hawaiaans wurd föör "gau", an ütj pedia faan enzyklopedia. En wiki as en website, huar arkeneen a siidjen geliks an lacht an saner föl faan technik tu weden uun san browser anre kön.
At nuurdfriisk Wikipedia, wat tudtidj bluat en test-wiki as, a mä nü (25.7.2007), 89 artikler man gans letj uun ferglik tu det tjiisk, wat auer 600.000 artikler hee, an tu det ingels mä auer 1.900.000 artikler. At as sogoor uk letj uk letj auerjin det waastfriisk mä gud 5000 artikler an det saaterfriisk mä 378. Man et jaft uk sok letjen, wat dach al de ofitsiel staatus haa. Luke äfter det list faan Wikipedias.
Ölers üüs gewöönelk entsiikloopeediin as Wikipedia frei. Ei bluats, det det det uun't internet jaft, saner det det wat koostet, man arkeneen kön det, wan hi kwel an autoor uunjaft, frei koopiare an benatge. Diarföör surigt det GNU-lizenz föör frei dookuumenten, huaroner a autooren hör teksten puubliitsiare.
| Text üüb Öömrang |
Wikipedia as en ensikloopeedii, wat ei faan en fääst betaalet redaksjuun, man faan freiwalig autooren ferfaadet woort. Di nööm Wikipedia saat ham tup ütj Wiki, det hawaians wurd föör "gau", an ütj pedia faan enzyklopedia. En wiki as en website, huar arkenään a sidjen geliks an lacht an saner föl faan technik tu weden uun san browser anre koon.
At nuurdfresk Wikipedia, wat tudtidj bluat en test-wiki as, a mä nü (25.07.2007) 89 artikler man gans letj uun ferglik tu det sjiisk, wat auer 600.000 artikler hää, an tu det ingels mä auer 1.900.000 artikler. At as sogoor uk letj jinauer det waastfresk mä gud 5000 artikler an det saaterfresk mä 378. Man et jaft uk sok letjen, wat dach al de ofisiel staatus haa. Luke efter det list faan Wikipedias.
Ööders üs gewöönelk ensiikloopeediin as Wikipedia frei. Ei bluas, dat at det uun't internet jaft, saner dat at wat koostet, man arkenään koon det, wan hi kwel an autoor uundää, frei koopiare an benadge. Diarför suragt det GNU-lisens för frei dookumenten, huaroner a autooren hör teksten puublisiare.
