Wp/frr/Spräkekoordinasjoon
From Wikimedia Incubator
| Täkst aw Mooringer Frasch - Å å |
Contents |
[edit] Hü gunge we am ma da ünlike Nordfriiske spräkwise?
Et jeeft en frasche spräke. Man da unerschiise twasche nordfrasch än weestfrasch san gåns grut, än uk ma följk üt dåt ååstfrasche Saterlönj koon huum ham ai sü lacht unerhüülje. Sügoor ma da äine nordfrasche gungt dåt gau ouer aw dåt tjüsche, wan huum en ünlike spräkwise heet.
Än duch wan we en frasche Wikipedia begane, en internet-ensiiklopedii for gåns Nordfriislönj. Än dan uk iinj weerönj en arken sin äine spräkwise brüke koon. Hü koon huum süwat mååge?
En arken koon önj sin äine spräkwise önj jü grute ensiiklopedii. Deerbai fäiget följk dan ouers en latj mårk tu, jü sünåmde "kategorii". Deerdör koon huum gåns iinjfåch duch åles önj iinj spräkwise tuhuupe säke.
For dåt nordfriiske mååge we dåt ma schabluune: önj diheere artiikel ruchts boowen di blook for dåt Mooringer frasch. Deerfor sat huum dan boowen arke artiikel in edit twasche {{}} di noome foon sin spräkwise: Mooring, Sölring, Fering, Öömrang, Haliifreesk, Gooshiirder, Wiiringhiirder unti Halunder. Klik nü iinjsen aw edit än Show preview am tu siien hü dåt heer mååged as.
Dan schucht huum heer uner dåtseelwie for dåt Sölring. Sü koon huum önj iinj artiikel tujeefte heewe foon schraawere önj ünlike spräkwise. Deerbai as dåt smuk, dåt huum foon dåt schabluun tuglik besunere tiikne for jü spräkwise kopiire koon, as å ē ā đ.
Uner aw arken artiikel stönje da katogoriie weertu hi hiirt. Wan huum deeraw klikt, fäit huum en list foon åål da artiikle foon jü kategorii. Uner aw jü hoodside koon huum sügoor arke kategorii füünj.
Am dåt åles nuch meekliker tu måågen, wan we nuch uurdeböke tufäige.
| Text üp Sölring - kopiari: ē ā đ |
[edit] Hur gung wü om me di ünlike Nuurđfriiske spreekwiisen?
Hat jeft en Friiske spraak. .......
| Text üüb Öömrang |
[edit] Hü gung wi am mä jo ünlik Nuurdfresk spriakwiisen?
Det jaft ian fresk spriak. Man jo onerskiaser tesken nuurdfresk an waastfresk san böös grat, an uk mä lidj ütj det uastfresk Saaterlun koon am ään ei so lacht onerhual. Sogoor oner a Nuurdfresken salew gongt am gau auer tu't huuchsjiisk, wan am ei detsalew spriakwiis hää.
An dach wel wi en fresk Wikipedia began, en internet-ensiikloopeedii för gans Nuurdfresklun. An det skal ian wurd, huar arkenään sin aanj spriakwiis brük koon. Hü koon am sowat maage?
Arken skraft uun sin aanj spriakwiis uun det grat ensiikloopeedii. Diarbi dää am do oober en en letj tiaken diartu, wat "kategoorii" näämd woort. Sodenang koon am gans ianfach ales uun ian spriakwiis tuupsjük.
Föör at Nuurdfresk maage wi det mä sjabluunen: Uun diheer artikel rochts boowen di blook för det Mooringer frasch. Diarföör saat am do auer arke artiikel uun edit tesken {{ }} di nööm faan sin spriakwiis: Mooring, Sölring, Fering, Öömrang, Halagfresk, Gooshiirder, Wiiringhiirder an Halunder. Klike nü man ans üüb edit an do üüb Show preview am tu sen, hü det heer maaget as.
Do sjocht am heer disalew tekst uk üüb Öömrang an Fering. So koon am uun ään artikel bidrachen haa faan skriiwern uun ferskeelag spriakwiisen. Net as diar uk noch bi, dat am faan det sjabluun glik jo üngewöönelk tiaken för jo enkelt spriakwiisen kopiare koon, so üüs å ē ā đ.
Oner arke artiikel stun jo kategooriin huar hi tuhiart. Wan am diarüüb kliket, feit am en list faan aal jo artiikler faan det kategoorii. Oner üüb a hoodsidj koon am sogoor arke kategoorii finj.
Am det ales noch määkelker tu maagin, wel wi uk noch wurdenbuken heer mä iinbau.
| Text üüb Fering |
[edit] Hü gung wi am mä dön ünlike Nuurdfriisk spriikwiisen?
Et jaft ian friisk spriik. Man dön onerskiasen tesk nuurdfriisk an waastfriisk san bös grat, an uk mä lidj ütj det uastfriisk Saaterlun kön ham ham ei so lacht onerhual. Sogoor oner a nuurdfriisken salew gungt ham gau auer tut huuchtjiisk, wan ham ei detsalew spriikwiis hee.
An dach wel wi en friisk Wikipedia began, en internet-ensiikloopeedii föör gans Nuurdfriisklun. An det skal ian wurd, huar arkeneen sin aanj spiikwiis brük kön. Hü kön ham sowat maage?
Üüs bispal as det niedersächsische Wikipedia uun a Neederlunen. Diar skraft arken uun sin aanj spriikwiis uun höör grat ensiikloopeedii. Diarbi dee ham do oobers en en letj teeken diartu, wat "kategoorii" neemd woort. Sodening kön ham gans ianfach ales uun ian spiikwiis tupsjük.
Föör at Nuurdfresk maage wi det mä sjabluunen: uun dehear artikel rochts boowen di blok föör det Mooringer frasch. Diarföör saat ham dan auer arke artiikel uun edit tesken {{ }} di nööm faan sin spriikwiis: Mooring, Sölring, Fering, Öömrang, Haliifreesk, Gooshiirder, Wiiringhiirder an Halunder. Klike nü man en üüb edit än do üüb Show preview am tu sän hü det hear maaget as.
Do sjocht ham heer desalew tekst uk üüb Mooring an Sölring. So kön ham uun een artikel bidrachen haa faan skriiwers ütj ferskeelig spriikwiisen. Net diarbi as uk noch, det ham faan der sjabluun tuglik besoners teekens föör dön enkelt spriikwiisen kopiare kön, so üüs å ē ā đ.
Oner arke artiikel stun dön kategooriin huartu hi hiart. Wan ham diarüüb kliket, feit ham en list faan aal dön artiikler faan det kategoorii. Oner üüb a hauptsiidj kön ham sogoor arke kategoorii finj.
Am det ales noch meekelker tu maagin, wel wi uk noch wurdenbuken hear mäiinbau.
