Wp/frr/Krouf

From Wikimedia Incubator

• frr:
  GUNG FOON GOUE WALE ÜT

  Dideere Friiske krouf as dåt stää, weer we as ma-uugere ün brükere foon jü friisk Wikipedia maenouder snååke koone. We koone snååke ouer åål såågne, ouers mååst schal dåt wälj gunge ouer jü Wikipedia.

  • Jeeft et wase probleme bai dåt måågen foon artiikle?

  • Häi huum nuch hål en artiikel ouer en was thema?

  • Huk ruchting schan we in t ålgemiin naame, wåt jü sliik artiikle önjgungt?

  Ünsüwider, ünsüwider. Klik boowen aw Seite bearbeiten än dåt schriwen koon begane !!

  Heew mån niinj ångst !!

  We wan heer räigelmääsi löke än san dan matiinjs tu oontuurden deer.

Contents 1 1. Tujeeft: Artiikle, weer huum ma begane köö 2 Jü önjfrååg tu en ächt nordfriisk wikipedia 3 Statistiik 4 Önjstaling foon Internet Explorer for jü uurdelist Weestfrasch-Mooringer 5 HUK ARTIIKLE BRÜKE WE? 6 Uurde fine önj åle spräkwise 7 Gud Dai - Gud Wai 8 Am üs kånen tu liiren 9 Stomp artiikler

[edit] 1. Tujeeft: Artiikle, weer huum ma begane köö

Da fant huum maning aw jü periodische tabäle foon da elemänte. Deer jeeft dåt in jü tiikning da sümbole for da elemämte: H, He, Li, Be, B än uk gåns bekånde, as C (koolestuf), N (stikstuf), O (sörstuf). Da stönje ai iinjs önj dåt Frasch uurdebök foon 1988, man huum koon deer duch lächt wat ouer ferteele.

- Klik aw dåt sümbool (di bökstääw) foon dåt elemänt, wat huum beschriwe måå. Dan biliet huum foonseelwie en nai sid ma di rucht noome, weer huum matiinjs begane koon.

- Modäle äsw. for de elemänte fant huum önj ouer Wikipedien, as aw stq:Periodiske Tabelle.

--Pyt 10:43, 21 August 2009 (UTC)

Gouden Dai! :) Iek wonskje ju Noudfräisk Wikipedia fuul Ärfoulch! :) Uunglukkelk spreek iek neen Noudfräisk, man as et eeniget rakt wiermäd iek jou kon hälpe, heer iek et jädden! :) Gröitnis, --OWTB 06:59, 1 September 2009 (UTC)

[edit] Jü önjfrååg tu en ächt nordfriisk wikipedia

Jü önjfrååg as di 26.august mååged wörden foon Fentener van Vlissingen aw http://meta.wikimedia.org/wiki/Requests_for_new_languages/Wikipedia_North_Frisian_3. Bit heertu as deeraw foon 8 manschne stipe jääwen, weerfoon iinj mälding üt Noudfriislönj. Da leest schönj eentlik nuch wat mör wårde än dåt uk gau, iir deerouer önjtslin wårt. --Pyt 12:27, 4 September 2009 (UTC)

[edit] Statistiik

Bai jü önjfrååg heet ham nü en statistiik-side] apstald, am jü aktivititeet tu beuurdiilen. Deer koon ham smuk besiinj, wåt enarken mååget. --Pyt 13:51, 13 October 2009 (UTC)

[edit] Önjstaling foon Internet Explorer for jü uurdelist Weestfrasch-Mooringer

• tjüsch: Ansicht > Codierung > West-Europäisch
• ainglisch: View > Encoding > More > Western European (ISO)
• holönjsch: Beeld > Codering > West-Europees --Pyt 13:51, 13 October 2009 (UTC)

[edit] HUK ARTIIKLE BRÜKE WE?

Jü frååg as iinjsen stald wörden än eentelk schan we üs dan jarst ouerleede, wat we ma en Nordfriisk Wikipedia wan. Jü grünidee foon Wikipedia as en wrål, önj jü ark änkelt persoon frie tugung heet tu dåt waasen foon e manschhäid önj e hiilj maningfüülj. Önj e frasch situasjoon as dåt wälj sü, dåt åle frasche uk jüst sü gödj tjüsch leese koone. We brüke ålsü matiinjs niinj fulståni ensiklopedii aw frasch tu måågen. Ouers wat wichti as: wan huum frasch schraft, heet huum flicht en ouder, flicht ‘briidjer’ publikum int hood, as wan huum aw tjüsch schraft. Dan kamt huum iir deertu, en sååge möölikst dütlik deertustalen. Än dan toonk ik ai an ünferoontuurded simplifisiiring. Ik liiw dåt et möölik as, da mååste sååge aw en for da mååste tu ferstönjen än duch gou wise üttuleeden. Ik hoow, dåt üs artiikel ouer Autonavigasjoon deerfoon en biispel as.
Wan we sü e wrål tu Fraschlönj broocht heewe, koone we Fraschlönj uk tu e wrål bringe. Dåt håt, dåt we apårtie frasche subjäkte beschriwe koone, ouers uk sååge, da üs besuners intresiire. Deerouer schraft huum was möölikst gödj ün sü fäit huum dåt beest foon jü maningfüülj foon e wrål. Än wan dåt gödj nooch as, dan wårt dåt was iinjsen ouerseet.
Sü, dåt wus min idee ouer jüdeer frååg. Än wat miinjst De deertu? --Pyt 20:04, 17 October 2009 (UTC)

[edit] Uurde fine önj åle spräkwise

Deerfor hääw ik en präiwe-artiikel mååged: fjouer ma forme önj åle spräkwise. Da koon huum dan leefts önj e säkkasten säke. For sältene uurde as dåt iinjfåcher as apårtie haanewis-artiikle. Da brükt huum bloot for hüpie uurde, wan e wikipedia gruter wårt. Wåt miine jam deeram?
Hiir stoont tufäli Mooring forönj, ouers dåt koon ark spräkwise weese. --Pyt 21:52, 30 October 2009 (UTC)
Dåt wååret je wälj åån däi, iir en uurd önj dåt register apnümen as. --Pyt 09:32, 31 October 2009 (UTC)

Sü koone we dåt nü bai di Incubator mååge. Ouers, we koone wider harwe waniir jü nordfrasche Wikipedia online gungt. gröötnis --Erik 10:40, 31 October 2009 (UTC)

Ik men, jo ütjdrüker uun jo ünlik spriakwiisen kön wi dach bi arke artikel ianfach diartu skriiw. Bispal: Di öömrang artiikel auer at dünemfisel, det het üüb sölring ströntistel (uun ööder spriakwiisen witj ik det ei). Nü säärst dü man uun det sjük-kasje 'ströntistel' iindu an üüb 'search' trak. --Murma174 22:19, 8 November 2009 (UTC)

Dach, Jens! Dü koost aw di tjüsche Wikipedia säke eefter Birma, dan foust dü jü sid am Myanmar. Dåt as min forsliik. Gröötnis --Erik 17:12, 20 November 2009 (UTC)

Ja, ik seenk, dü heest rocht, Erik. Arke wurd skul en aanjen artiikel haa. An wan't det wurd al üüb mooringer frasch jaft, do maage ik en redirect, so üs heer Wp/frr/Sjauer. Likewel koon am üüb det sidj Wp/frr/Fjouer jo uk noch uundu, hü Fjouer üüb öömrang(öö.), fering (fe.) an so widjer het. Det stiart ham jo ei jinsidjag. Man so loong üs wi noch uun det testfaase san, skul wi diar ferlicht ei so föl energii iin saat. Leewer muar nei artiikler skriiw. --Murma174 16:48, 21 November 2009 (UTC)

[edit] Gud Dai - Gud Wai

Leew frinjer, ik seenk, det wiar en guden soocht, wan arken, di heer uun a kruch iinluket, kurt gud dai sait an üüb sin 'Talk'-sidj henwiset. Diarför lingt jo al det 'onerskraft' (üüb a edit-sidj boowen üüb det tjiinst faan jo elwen blä kasjin trak). --Murma174 16:12, 23 November 2009 (UTC)

• Ik het Jens an haa mi sant September 2009 fööraal mä det teemoo Oomram befaadet. Diarbi haa ik föl auer det skriiwen uun Wikipedia liard.

A naist wegen san ik knaap aran, diaram koon ik ei föl du. Ik san wel so maden Detsember weder aktiif diarbi. --Murma174 16:12, 23 November 2009 (UTC)

We wan dat sü lung woornaame! --Pyt 18:00, 28 November 2009 (UTC)

[edit] Am üs kånen tu liiren

Am üs kånen tu liiren, heew ik en nai täkst mååged aw User:Pyt. Üs unerhüülje koone we heer, aw üs persöönlik diskusjoonsid as User talk:Pyt, unti ouer E-mail (sii unerste kasten leefts aw e persöönlik sid). --Pyt 11:55, 4 December 2009 (UTC)

[edit] Stomp artiikler

Flook artiikler san noch böös knaap, an brük noch aal wat materiool, so üs: Wp/frr/Rölken.
Diarför haa ik en letj 'template' maaget, det het: Wp/frr/Stomp (efter ingelsk 'stub'). Wan am en artiikel skraft, wat noch loong ei klaar as, koon am det template benadge. Aal jo artiikel mä detdiar 'template' hiar do nemelk tu det 'category': Wp/frr/Stomp.
An det kategorii koon am aprep: Üüb det hoodsidj gans oner: "All categories ..." of heer liktu: [[1]]. --Murma174 23:50, 14 December 2009 (UTC)

Jåå, dåt as moi, dåt de dåt wat organisiirst. Ik ban ai sü gödj deerönj! --Pyt 13:41, 16 December 2009 (UTC)