Wp/frr/Dünemfisel
From Wikimedia Incubator
| Text üüb Öömrang |
At Dünemfisel (Eryngium maritimum) (of uk 'Strunfisel', sö.'Ströntistel') as en plaant ütj det famile Apiaceae.
Contents |
[edit] Beskriiwang
Det 10 bit 40 cm huuch dünemplaant as mä en 2 m jipen starken rut fääst mä a grünj ferwoksen. At dünemfisel hää en hunfol twiigen mä stif, borag blä-green bleeden. Jo bleeden haa en witjen kaant an luup üüb't aanj spas tu. At hialer plaant as blä-witj faan waaks auertaanj. A bloosen stun nai tuup üs uun en kurew.
At dünemfisel bleut faan Jüüne bit Oktuuber an fermuaret ham troch flenerker an ööder insekten. At siad woort faan a winj widjer draanj.
At waaks suragt diarför, dat det plaant ei ütjdrüget. An jo hard an stif bleeden kön en sturem mä sunstoof ütjhual.
[edit] Föörkemen
Jo plaanten fanjst dü bi a weederkaant uun Euroopa. Jo waaks uun en saalten grünj üüb a witjdüner. Dünemfisler stun miast tuup mä halembosker.
Enkelt föörkemen jaft at al ei muar, diaram san's üüb a 'ruad list' kimen. At dünemfisel brükt föl saalt, diaram koon't üüb grä- an bründüner ei lewe. Uk det beplaantin faan a witjdüner koon hat ei ferdreeg.
[edit] Literatüür
Ströntistel, en dacht faan Jens Mungard
[edit] Ferwis efter bütjen
