Wp/frr/Önjmälde as brüker
From Wikimedia Incubator
Huum koon ham as brüker önjmälde dör gåns ruchts boowen ap create account tu klikken. Oofding brükt följk deerfor en däkenoome. Dåt koon uk weese san äine fornoome unti san noome önj en ferdraide form unti sügoor en gånse fantasiinoome.
Sün brükernoome as for ålem gåågenful, wan huum seelew wat baidreecht af ferbäädert. Önj history is dåt dan tu siien. Aw jüheere wise koon uk bääder vandalismus bestran wårde. Wichti as deerbai, dåt önj history uk åle da üüljere versjoone foon en artiikel apwåård wårde. Suner brükernoome kamt in history bloots dan IP-numer.
Ma sün brükernoome koon ham uk ma da ouer snååke ouer en artiikel önj jü discussion-side wat arken artiikel heet. Wan de deer dan seelew aw oontuurdest, dan koost de dåt unerschriwe dör tu klikken ap di tweede weene knoop fon ruchts boowen dåt edit-fälj. Da artiikle seelew unerschraft huum ai.
Wan huum as brüker önjmälded as, dan kamt di brükernoome tu schüns gåns boowen önj di Wiki-schirm. Klikst dü ap di noome, dan deeget din äine brükerside ap, weer dü n beschriwing foon de seelew jeewe koost. Klik nü man ap Pyt, tu siien hüdänji min brükersiede ütschucht. Tu jü brükerside heert dan uk nuch wi en discussion-side, weer ouer brükere de tisinge siinje koone. Matiinjs wan dü ap en wiki-side kamst, fäist dü dan en woorschauing, dåt deer tising for de as.
Nü koost de uk di årbespräke änre foon änglisch tu tjüsch unti ouers wat. Klik deerför ruchts boowen ap my preferences, weer dü dan di spräke instale koost.
| Text üüb Fering |
[edit] Uunmäälde üüs brüker
Ham kön ham üüs brüker uunmäälde; diarföör täär ham bluats bowen üüb create account klike. Föltidjs binatge lidj diarföör en deknööm (det's muar of maner anomym bliiw). Det kön uk eens föörnöm of eens nööm uun en ferdreid fuarem of en riane fantasii-nööm wees.
En brükernööm tu haan, as fööraal natelk, wan ham salew wat bidrait of ferbeedert. Uun history as det do tu sän. Üüb dediar wiis kön ham uk beeder wat jin wandalismus onernem. Wichtich als diarbi, det uun history uk ale öler versjuunen faan en artikel apbewaaret wurd. Saner brükernööm komt faan een uun history bluats en IP-Nummer tu sen.
Mä san brükernööm kön ham uk mä ölern snaake auer en artiikel uun a discussion-siidj wat arke artiikel hee. Wan dü diar do salew üüb swaarest, do könst dü det onerskriiw dör klikin üüb de naist knob faan rochts auer det edit-fial. Artiikler salew onerskraft ham ei.
Wan dü üüs brüker uunmäldet beest, do komt dan brükernööm gans boowen uun de wiki-skerem tu sän. Klikest dü üüb di nööm, do daaget din aanj brükersiidj ap, huar dü en beskriiwing faan di salew ufdu must. Klike nü man ens üüb Pyt, am tu sän hü min brükersidj ütjsjocht. Tu din brükersidj hiart uk noch en discussion-siidj, huar öler brükers di wat mädial kön. Aleewen wan dü üüb en wiki-siidj komst, feest dü bööd, of diar hoker wat neis üüb din discussion-siidj iinsaat hee.
Dü könst uk din werk-spriik anre faan ingels tu tjiisk of öler-wai-am. Klike diarföör rochts boowen üüb my preferences; diar könst dü do din spriik iinstel.
| Text üüb Öömrang |
[edit] Uunmelde üs brüker
Am koon ään üs brüker uunmelde; diarför säär am bluas bowen üüb create account klike. Föltidjs benadge lidj diarför en neknööm (dat's muar of maner anomym bliiw). Det koon uk ääns föörnööm of ääns nööm uun en ferdreid fuarem of en rianen fantasii-nööm wees.
En brükernööm tu haan as fööraal natelk, wan am salew wat bidrait of ferbeedert. Uun history as det do tu sen. Üüb didiar wiis koon am uk beeder wat jin wandalismus onernem. Wichtag as diarbi, dat uun history uk aler ööder wersjuunen faan en artikel apbewaaret wurd. Saner brükernööm komt faan ään uun history bluas en IP-numer tu sen.
Mä san brükernööm koon am uk mä öödern snaake auer en artikel uun a discussion-sidj, wat arke artikel hää. Wan dü diar do salew üüb swaarest, do könst dü det onerskriiw döör klikin üüb di naist knob faan rochts auer det edit-fial. Artiikler salew onerskraft am ei.
Wan dü üs brüker uunmeldet beest, do komt dan brükernööm gans boowen uun di Wiki-skirem tu sen. Klikest dü üüb di nööm, do daaget din aanj brükersidj ap, huar dü en beskriiwang faan di salew ufdu mutst. Klike nü man ans üüb Pyt, am tu sen hü Pyt sin brükersidj ütjsjocht. Tu din brükersidj hiart uk noch en discussion-sidj, huar ööder brükern di wat mädial kön. Aleewen wan dü üüb en Wiki-sidj komst, feest dü bööd, of diar hoker wat neis üüb din discussion-sidj iinsaat hee.
Dü könst uk din werk-spriak anre faan ingels tu tjiisk of öler-wai-am. Klike diarför rochts boowen üüb my preferences; diar könst dü do din spriak iinstel.
