Wp/dng/Лищин

From Wikimedia Incubator
< Wp‎ | dng
Wp > dng > Лищин

Вэту жәжәрди. Фонни ямир-дунҗинди. Зэ санхошон нянди Фамәр йигәрни зэ фоннини. Дуйчў вэту вонди та сылёнди: «Зэ ю җитяи, санйүә чў бади җечи е дони. Ги мама дуан сани хан бу җыдодини».

тади гәгә, Эрли ба та да җязышон пыйди вынди. Дансы нэгәли, вә ги ни е бу фә. Ба җыгә хуа фәли, Эрли зули вэту фачили. Фамәр канди Эрли зудёли, ба йиҗонзы бый зы начўлэ ги готу ба «Вәди Гуйҗун ама» щешонли. Җыгәди диха хуали йибазы хуар.

Гуәли бу дади гунфу Эрли хуэйлэли. Ба Фамәрди мын манмар кэкэ йиканса, мыймый ту җынди гәбыи зэ җуәзышон пади фиди җуәҗуәрди. Эрли ба тади шу диха няди хуарҗонзы манмар чучўлэ ги хуарди бонгәрни ба мамади щёнпяр хуашонди. Җыгәди зыху та ги хуарҗонзы ба куон е зўшонли.

Санйүә чў бади ганзо Фамәр ги Эрли са хуа мә фә, ба хуарҗонзы нашон җинли мамади фоннили.

Җерди фунү жызышон вә ги ни панвон йүнчи дэ гончённи. Җысы вә ги ни шәлүхади лищин. Гуонсы вә ба җуон щёнпяр дэ хуарҗонзыди куон мәдый зўшон. — Ни мәдый зўшон, кә ю вәни, Эрли да мынлянзы быйху чўлэ, шуни нади зўхади щёнпяр куон е доли мама гынчянли. Зэ йибян ни шәлүкэ лищинли бә манцон вәли, — ги мыймый Эрли на чихынхынди шынчи фәдн.