Wp/chi/Makuh ah guk ng'thu ni

From Wikimedia Incubator

Makuh ah Gukah ng'Thu Ni ung Khuanpughi ah Htapa Bawipa Jesuh ah amawng, Thu Ni awn tün ne guk ah kiak ci. Cun kawn ah Bawipa Jesuh cu kümbe ne, akcang ah bilo hning ci, ci cu gu ba ci. Bawipa Jesuh ung hlüngtai nak a om ah mawng cu, am theithang nak gui, khoshe khogam aktäm nak gui la kat nak bik ci gui ak phiawn nak gui awn m'dang ci. Bawipa Jesuh amät naw phi, ani cu chang gui ah kat nak phiawn nak vai ah a hnun gui pek khai ah khomdek khan ung kyum lawk ciah “Chang ah Htapa” ah a kiak ah mawng cu pyein ci.

Makuh naw Bawipa Jesuh ah mawng a guk nak ung, Bawipa ah ang thu pyein gui la am theithang gui ah mawng, abi lawh gui ah mawng cu ak tung pi ah guk ci.Cun kawn ah Tuihnim Johan ah mawng, Bawipa Jesuh tui ang hnim ah mawng la khoshe naw a tüihtok ah mawng gui cu, ak tawi ah va tün netah, Bawipa Jesuh ah am theithang nak gui la gaw pai ci gui agai sak gui ah mawng cu gu ba ci. Ang khah gui cun naw Bawipa ah a mawng cu hmat law pi k'täi ci gui, cun ung phi a ga gui cun naw kä ng'za law hlü piktäi ci gui. Kutlamtung ung a sih ah mawng la sih nak ung kaa a thawh ba nak ah mawng cu, ak tung pi ah m'tai netah ak hnu ah abilawh gui ah dang khai ah guk ci.