Wp/chi/Kolose chang gui-am Paul ah ca-guk

From Wikimedia Incubator

Kolose chang gui-am Paul ah ca-guk cu, Ephesus ah hnilaw lam, Asia Minor kho, Kolose gawnu ah khrihtabum gui-am a peit ah kiak ci. Cun ah Khrihtabum cu Paul naw aksüm ah kä kiak ci. Cun ung phi Roman uknak Asia kho ah mang gaw, Ephesua ung kaa naw, akchang gui tüi ne bi abi nak ah kiak ci.

Khanpughi hmat ne kümbe ciah hun nak, ami gah ei nak vaisü ung, “Mumcha gui düt la huham mah gui düt” khawihnah vai ah tängpang ci gui ah Kolose Khrihtabum ung om ci gui ah thuvi ciah saza gui cu Paul naw hmat gui ci. Cun ah saza gui naw, “Chang tumat cu Vun-ah nak akcang ah bi ne, ei ei ah mawng la thukhän gui cu akcang ah aläk vai” ci ne pyein ci gui.

Paul naw ngami ah m'theingthang nak cu hnungtuk püi gui ne, Khrihta Thu Ni akcang cu guk ci. Ani ah pyein nak aktung cu, Bawipa Khrit naw kümbe ciah hun nak pek ci. Cun ung phi ahei zum nak gui la bilawh nak gui cu, alam hei ah kiak ci. Khanpughi naw Bawipa Khrit ung khomdek chang cu tüisho ne, ani awn avan cu küm be sak ci. Bawi Khrit ung kawng ät nak bäng awn m'dek chang naw hun nak ang ngaih u vai om ci. Paul naw kä ng'htei ciah ami m'theithang nak gui cu dang sak ci.

Paul naw Kolose ah ca aguk kä khin khaa lang ne law püi ci cu Tichikus ah kiak ci. Ani awn ng'khap lawk ci goi cu, Philemon ah chaw ah Paul naw ca aguk peit ah Onesimus ah kiak ci.